prezident ilham əliyev iran islam respublikasının ali rəhbəri ayətullah seyid müctəba hüseyni xameneyiyə təbrik məktubu ünvanlayıb.
“arhd.media” xəbər verir ki, məktubda deyilir:
“möhtərəm ayətullah xameneyi həzrətləri.
iran islam respublikasının ali rəhbəri vəzifəsinə seçilməyiniz münasibətilə sizi təbrik edirəm.
atanız - iran islam respublikasının ali rəhbəri ayətullah seyid əli xameneyi həzrətlərinin faciəvi vəfatı ilə əlaqədar sizə bir daha başsağlığımı ifadə edirəm.
azərbaycan respublikası ilə iran islam respublikası arasında münasibətlər tarixən mehriban qonşuluq və dostluq şəraitində yaşamış xalqlarımızın iradəsindən qaynaqlanır. dövlətlərarası əlaqələrimizin xalqlarımızın mənafelərinə uyğun olaraq qarşılıqlı hörmət və etimad məcrasında inkişafı naminə birgə səylər göstərəcəyimizə ümidvar olduğumu bildirirəm.
bu yüksək təyinatla bağlı sizə bir daha təbriklərimi çatdırır, dost və qardaş iran xalqına sülh və əmin-amanlıq diləyirəm”.
