israilin baş naziri benyamin netanyahu müharibənin başlanğıcından bəri ilk dəfə mətbuat konfransı keçirib.

“arhd.media” xəbər verir ki, o, iranın yeni ali lideri müctəba xameneini öldürməklə bağlı dolayı təhdid səsləndirib.

israil lideri təxminən iki həftəlik bombardmandan sonra iranın “artıq əvvəlki kimi olmadığını” və tehranın elit inqilab keşikçiləri korpusuna və “bəsic” paramilitar qüvvələrinə zərbələr endirildiyini söyləyib.

o, iranın dəstəklədiyi qruplaşmanın martın 2-də iranın ali lideri əli xameneinin öldürülməsinin qisasını almaq üçün israilə atəş açmasından sonra ölkəsinin “hizbullah”a zərbələr endirməyə davam edəcəyini deyib.

netanyahu israilin ayətullah müctəba xamenei və “hizbullah” rəhbəri naim qasıma qarşı hansı tədbirlər görə biləcəyi ilə bağlı sualı da cavablandırıb:

“mən terror təşkilatının heç bir liderinə həyat sığortası verməzdim... burada nə planlaşdırdığımız və ya nə edəcəyimiz barədə dəqiq bir hesabat vermək niyyətində deyiləm”.

o bildirib ki, irana hücumun məqsədi tehranın nüvə və ballistik raket proqramlarının yaratdığı təhlükəni aradan qaldırmaqdır. baş nazir həmçinin iranlıları ayağa qalxmağa təşviq etməklə hökumətin çökməsinə səbəb olmaq istədiyini bildirib.

“gördüyümüz tədbirləri ətraflı izah etməyəcəyəm. rejimi devirmək üçün optimal şərait yaradırıq, amma inkar etməyəcəyəm ki, sizə iran xalqının rejimi devirəcəyini tam əminliklə deyə bilmərəm – rejim daxildən devrilir”, - netanyahu deyib.