bakı, 17 mart, arhd.media

dim rəhbəri azərbaycan dili üzrə sertifikasiya imtahanı ilə bağlı mütəxəssislərə müraciət etdi

dövlət imtahan mərkəzi hazırda rəqəmsal imtahanların təkmilləşdirilməsi üzərində işləyir və bunun üçün geniş məlumat bazasının toplanmasına ehtiyac var.

arhd.media xəbər verir ki, bu barədə jurnalistlərə müsahibəsində dövlət imtahan mərkəzinin idarə heyətinin sədri məleykə abbaszadə deyib. o bildirib ki, azərbaycan dili üzrə sertifikasiya imtahanının daha təkmil variantını hazırlamaq üçün müvafiq data toplanmalıdır: “ona görə də hazırda bu imtahanın onlayn variantını ictimaiyyətə təqdim etmişik. mənim çağırışım azərbaycandakı mütəxəssislərədir ki, bu imtahanda iştirak etsinlər, öz fikirlərini və təkliflərini bizə bildirsinlər”.

o qeyd edib ki, dövlət imtahan mərkəzi müəyyən mərhələdən sonra bu imtahanı rəsmi sertifikatlaşdırma səviyyəsinə çatdıracaq və azərbaycan dilinə aid rəsmi sertifikatlar verəcək.