bakı, 2 mart, arhd.media

dim qiymətləndirmə fəaliyyəti ilə məşğul olmaq istəyənlər üçün bu gün test imtahanı keçirir

martın 2-də dövlət imtahan mərkəzi (dim) qiymətləndirmə fəaliyyəti ilə məşğul olmaq istəyən şəxslər üçün test imtahanı keçirir.

dim-dən arhd.media-a bildirilib ki, elektron imtahanlar korpusunda (binəqədi rayonu, s.s.axundov) təşkil edilən imtahan saat 11:00-da başlanacaq. saat 10:45-dən sonra gələn namizədlər imtahana buraxılmayacaqlar. imtahan bir saat davam edəcək.

imtahan vermək üçün 136 namizəd müraciət edib. imtahanların idarə olunmasına 1 ümumi imtahan rəhbəri, 2 imtahan rəhbəri, 9 nəzarətçi, 2 buraxılış rejimi əməkdaşı (mühafizə) ayrılıb.

namizədlər imtahana gələrkən kalkulyator və aşağıda qeyd olunan sənədləri gətirməlidirlər:

- şəxsiyyəti təsdiq edən sənədin əsli;

- imtahana buraxılış vərəqəsi.

imtahan 9 istiqamət üzrə keçirilir. imtahanda namizədlərə 30 test tapşırığı təqdim olunur. test tapşırıqlarının düzgün cavabları 1, 2 və ya 3 balla qiymətləndirilir. imtahanda toplanılması mümkün olan ümumi (maksimal) bal 60-dır. 30 bal və daha çox nəticə əldə etmiş namizəd imtahandan müvəffəqiyyətlə keçmiş hesab olunur.

imtahan qaydaları ilə bağlı “yaddaş kitabçası” dim-in saytında yerləşdirilib.