Bakı məktəblərində distant təhsil bu formada aparılacaq - İlk dəfə

18-22 may tarixlərində Bakı məktəblərində dərslər distant formada keçiriləcək.

“ARHD.MEDiA” xəbər verir ki, bu barədə Bakı Şəhəri üzrə Təhsil İdarəsi məlumat yayıb.

Bildirilib ki, WUF13-ün keçirildiyi dövrdə Bakı şəhərində fəaliyyət göstərən ümumi təhsil müəssisələrinin (Pirallahı, Qaradağ, Suraxanı, Sabunçu və Nizami rayonları istisna olmaqla) V-XI sinifləri üzrə tədris prosesi məsafədən həyata keçiriləcək.

Yasamal, Səbail, Nəsimi, Nərimanov, Binəqədi, Xətai və Xəzər rayonlarındakı ümumi təhsil müəssisələrini əhatə edən distant dərslər “Rəqəmsal məktəb” platforması üzərindən tədris olunacaq.

Müəllimlər şəxsi kabinetlərindəki “Microsoft” alətləri bölməsi vasitəsilə “Teams” platformasına keçid edərək dərs cədvəllərini hazırlaya bilərlər.

Onlayn dərslərə qoşulmaq üçün dərs məlumatları platforma üzərindən şagirdlərlə paylaşılacaq.

Qeyd edək ki, elm və təhsil naziri Emin Əmrullayevin Əmrinə əsasən, Bakıda ümumi təhsil müəssisələrinin məktəbəhazırlıq qrupları və ibtidai sinifləri üzrə mayın 18-dən 22-dək tətil olacaq.

20 günün əsgəri vəfat etdi

Azərbaycan Ordusunun əsgəri Əsədov Hüseyn Həmzə oğlu vəfat edib.

“ARHD.MEDiA” Metbuat.az-a istinadla xəbər verir ki, bu barədə mərhumun qohumları məlumat verib.

Hüseyn Əsədovun xəstəlikdən vəfat etdiyi bildirilir.

Qeyd edək ki, o, 20 gün əvvəl hərbi xidmətə çağırılmışdı. Əsgər Hüseyn Əsədov bu gün Binə qəbiristanlığında torpağa tapşırılıb.

***

Əldə etdiyimiz məlumata görə, H. Əsədov Dövlət Sərhəd Xidmətində (DSX) xidmət edib.

Xətai rayonunda Ümummilli lider Heydər Əliyevin anadan olmasının 103 illiyinə həsr olunmuş möhtəşəm konsert proqramı və atəşfəşanlıq təşkil olunub

Baş Prokurorluqda Ulu Öndər Heydər Əliyevin anadan olmasının 103-cü ildönümü ilə bağlı tədbir keçirilib

Mayın 8-də Azərbaycan Respublikasının Baş Prokurorluğunda Ümummilli Lider Heydər Əliyevin anadan olmasının 103-cü ildönümünə həsr olunmuş tədbir keçirilib.

Əvvəlcə Baş Prokurorluğun inzibati binasında Ulu Öndərin büstü önünə Azərbaycan Respublikasının Baş prokuroru Kamran Əliyev və Baş Prokurorluğun rəhbərliyi tərəfindən gül dəstələri qoyularaq dahi şəxsiyyətin əziz xatirəsi dərin ehtiramla yad edilib.

Tədbirdən öncə Ümummilli Lider Heydər Əliyevin, Azərbaycanın ərazi bütövlüyü uğrunda şəhid olmuş qəhrəman əsgər və zabitlərin, eləcə də vətəndaşlarımızın xatirəsi bir dəqiqəlik sükutla anılıb, Azərbaycan Respublikasının Dövlət Himni səsləndirilib.

Tədbirdə çıxış edən Baş prokuror Kamran Əliyev bildirib ki, Ümummilli Lider Heydər Əliyevin zəngin siyasi irsi müasir Azərbaycan dövlətçiliyinin əsas ideoloji dayaqlarından biri olmaqla ölkənin inkişaf strategiyasını müəyyən edən fundamental prinsipləri özündə ehtiva edir. Qeyd olunub ki, Ulu Öndərin rəhbərliyi ilə həyata keçirilən məqsədyönlü dövlət siyasəti nəticəsində ölkədə sabitlik, qanunçuluq və milli maraqlara əsaslanan idarəetmə sistemi formalaşmış, iqtisadi, sosial və mədəni inkişafın möhkəm təməli yaradılıb.

Xüsusilə qeyd edilib ki, Ümummilli Liderin rəhbərliyi dövründə həyata keçirilən şəhərsalma və quruculuq siyasəti Azərbaycanın kompleks inkişaf modelinin formalaşmasında mühüm rol oynayıb. Şəhərlərin planlı inkişafı, yeni yaşayış massivlərinin salınması, nəqliyyat və sosial infrastrukturun genişləndirilməsi, Bakı şəhərinin Baş planının hazırlanması, yaşıllaşdırma tədbirlərinin həyata keçirilməsi, sənaye müəssisələrinin, təhsil və mədəniyyət obyektlərinin inşası həmin dövrün strateji inkişaf yanaşmasının mühüm tərkib hissəsi kimi dəyərləndirilib.

Bildirilib ki, bu siyasət yalnız urbanizasiya prosesinin idarə olunmasına deyil, eyni zamanda regionların sosial-iqtisadi inkişafına, əhalinin rifah halının yüksəldilməsinə, milli memarlıq ənənələrinin və tarixi-mədəni irsin qorunmasına xidmət edib. Bu kontekstdə qədim memarlıq abidələrinin bərpası və mühafizəsi istiqamətində həyata keçirilən tədbirlərin Azərbaycanın milli-mədəni irsinin gələcək nəsillərə ötürülməsi baxımından xüsusi əhəmiyyət daşıdığı vurğulanıb.

Baş prokuror qeyd edib ki, Prezident cənab İlham Əliyevin rəhbərliyi və Birinci vitse-prezident Mehriban xanım Əliyevanın yaxından iştirakı ilə Ulu Öndərin müəyyən etdiyi inkişaf strategiyası bu gün uğurla davam etdirilir, xüsusilə işğaldan azad edilmiş ərazilərdə genişmiqyaslı bərpa və quruculuq işləri həyata keçirilir, “Ağıllı şəhər” və “Ağıllı kənd” layihələri icra olunur.

Vurğulanıb ki, Qarabağ və Şərqi Zəngəzurda həyata keçirilən yenidənqurma prosesi yalnız infrastrukturun bərpasını deyil, həm də həmin ərazilərin tarixi-mədəni simasının, ekoloji tarazlığının və sosial həyatının yenidən formalaşdırılmasını nəzərdə tutan kompleks dövlət siyasətini əks etdirir.

Həmçinin diqqətə çatdırılıb ki, Azərbaycan Respublikasında 2026-cı ilin “Şəhərsalma və Memarlıq İli” elan edilməsi ölkədə həyata keçirilən genişmiqyaslı quruculuq siyasətinin ardıcıl və strateji xarakter daşıdığını bir daha təsdiqləyir, bu istiqamətdə milli memarlıq irsinin qorunması, müasir şəhərsalma prinsiplərinin tətbiqi və qanunçuluğun təmin olunması məsələlərinin xüsusi aktuallıq kəsb etdiyini nümayiş etdirir.

Sonra tədbirdə çıxış edən Azərbaycan Respublikası Baş prokurorunun böyük köməkçisi Vüsal Əliyev Ümummilli Lider Heydər Əliyevin rəhbərliyi dövründə tikinti, şəhərsalma və memarlıq sahələrində həyata keçirilmiş genişmiqyaslı quruculuq işləri, ölkənin sosial və infrastruktur inkişafına xidmət edən layihələr, həmçinin Azərbaycanın memarlıq simasının formalaşdırılması istiqamətində görülmüş tədbirlər barədə ətraflı məlumat verib.

Sonda Azərbaycan Televiziyası (AZTV) tərəfindən hazırlanmış, Ümummilli Lider Heydər Əliyevin həyat və fəaliyyətinə, eləcə də onun müəyyən etdiyi quruculuq və şəhərsalma siyasətinə həsr olunan “Qurulan gələcək” sənədli filmi nümayiş etdirilib.

“Azərsun Holdinq” “Caspian Agro” və “InterFood Azerbaijan” sərgilərində - Fotolar

Ölkənin qeyri-neft sektorunun aparıcı şirkətlərindən olan “Azərsun Holdinq” Bakı Ekspo Mərkəzində təşkil edilən ənənəvi qida sənayesi və kənd təsərrüfatı sərgilərində iştirak edir.

Sərgidə 3 fərqli istiqamət üzrə çıxış edən “Azərsun Holdinq” qida və qeyri-qida sahələri ilə yanaşı kənd təsərrüfatı istiqamətində də məhsullarını təqdim edir. Şirkətin müxtəlif müəssisələrində istehsal olunan onlarla məhsul “Made in Azerbaijan” brendi altında dünyanın 40-dan çox ölkəsinə ixrac olunur.

Bununla bərabər, şirkətlər qrupuna məxsus AKKİK stendində ziyarətçilərə kağızın təkrar emalı nəticəsində istehsal edilən karton məhsulları nümayiş etdirilir.

Qeyd edək ki, sərginin ilk günündə ölkə başçısı cənab İlham Əliyev “Azərsun Holdinq”in kənd təsərrüfatı stendini ziyarət edib. Onu şirkətin Müşahidə Şurasının sədri Tahir Gözel qarşılayaraq son bir il ərzində görülən işlər barədə məlumat verib.

Beynəlxalq reytinqdə ən böyük irəliləyiş Azərbaycanın oldu - Fotolar

Ölkələrdə kibertəhlükəsizlik vəziyyətinin qiymətləndirildiyi növbəti “Milli Kibertəhlükəsizlik İndeksi” Hesabatı açıqanıb.

“ARHD.MEDiA” xəbər verir ki, bu barədə İKT üzrə ekspert Osman Gündüz və digər mütəxəssislər bildirib.

Son hesabat dövrü ilə hazırkı vəziyyət arasında dövlətlər üzrə ən böyük irəliləyiş Azərbaycanın tutduğu mövqedə qeydə alınıb. Belə ki, Azərbaycanın ümumi göstəricisinin (100 bal üzərindən) 75.83 baldan 83.33 bala çatdırılmasına, ölkənin mövqeyinin 21 pillə irəliləməsinə, yəni 52-ci yerdən 31-ci yerə yüksəlməsinə nail olunub.

145 ölkənin 49 indikator əsasında qiymətləndirildiyi indeks cədvəli üzrə reytinq sıralamasında Birləşmiş Ərəb Əmirlikləri 32-ci, Qazaxıstan 51-ci, Türkiyə 56-cı, Gürcüstan 63-cü, Ermənistan 95-ci pillədə qərarlaşıb.

Məlum olduğu kimi, son illər ərzində elektron sübutların toplanılması, saxlanılması, yoxlanılması və məhkəmədə sübut növü kimi qəbul edilməsi barədə normativ aktlara dəyişikliklər layihəsi Dövlət Təhlükəsizliyi Xidməti əməkdaşları tərəfindən müvafiq sahədə ekspertlər heyəti də cəlb edilməklə işlənilib, Azərbaycan Prezidenti tərəfindən Cinayət-Prosessual Məcəlləyə müvafiq dəyişilikləri nəzərdə tutan qanun layihəsi Milli Məclisə təqdim edilərək qəbul edilib.

Eləcə də, Azərbaycan dövləti həmin əməkdaşların aktiv iştirakı ilə layihəsi hazırlanmış BMT-nin 24 dekabr 2024-cü il tarixli Kibercinayətkarlığa qarşı Konvensiyasını ilk ratifikasiya edən ölkələrdən (ratifikasiya proseslərini bitirmiş hazırda cəmi 3 ölkə) olub.

Həmçinin 2025-ci ildə Elm və Təhsil Nazirliyi tərəfindən məktəblər üçün məcburi standartlar müəyyən edən yenilənmiş informatika kurikulumu hazırlanaraq qəbul edilib.

Qeyd olunanlar “National Cybersecurity Index” beynəlxalq Hesabatında Azərbaycanın qərarlaşdığı mövqeni bilavasitə dəyişdirən yeniliklər kimi göstərilib.

Onların övladlarının təhsilhaqqını dövlət ödəyəcək - Prezident təsdiqlədi

Minatəmizləmə fəaliyyəti həyata keçirən zaman həlak olmuş minatəmizləyənlərin övladlarının təhsilhaqqı dövlət büdcəsinin vəsaiti hesabına ödəniləcək.

“ARHD.MEDiA” xəbər verir ki, bununla bağlı Prezident İlham Əliyev Vergi Məcəlləsində, "Təhsil haqqında" və "Minatəmizləmə fəaliyyəti haqqında" qanunlarda dəyişiklikləri təsdiq edib.

Vergi Məcəlləsinə edilən dəyişiklik minatəmizləmə fəaliyyətini həyata keçirən zaman vəzifə borcunu yerinə yetirərkən həlak olmuş minatəmizləyənlərin ailə üzvlərinin vergi tutulmalı olan aylıq gəlirinin 400 manat məbləğində azaldılmasını nəzərdə tutur.

“Təhsil haqqında” Qanuna dəyişiklik isə minatəmizləmə fəaliyyəti həyata keçirən zaman həlak olmuş minatəmizləyənlərin övladlarının mülkiyyət formasından asılı olmayaraq ölkənin təhsil müəssisələrində ödənişli əsaslarla təhsil (əlavə təhsil istisna olmaqla) aldıqları müddətdə təhsilhaqqının dövlət büdcəsinin vəsaiti hesabına ödənilməsini nəzərdə tutur.

Qanunun keçid müddəalarına əsasən, 2026-cı il sentyabrın 15-dən tətbiq edilməsi nəzərdə tutulan dəyişikliklər bu Qanun qüvvəyə mindiyi tarixədək minatəmizləmə fəaliyyətini həyata keçirən zaman həlak olan və ya bu zaman aldığı xəsarətdən həyatını itirən minatəmizləyənlərin övladlarına da (ən çoxu 23 yaşına çatanadək) şamil olunur.

Bu gün tanınmış beynəlxalq hüquq eksperti İsmayıl Zalov Azərbaycan Jurnalistlər Birliyi-nin sədri Elçin Şıxlınski tərəfindən rəsmi üzvlük vəsiqəsi təqdim edilmişdir.

Tədbir çərçivəsində çıxış edən ARHD Media İnformasiya Agentliyi-nin rəhbəri, beynəlxalq hüquq eksperti, hüquq üzrə fəlsəfə doktoru İsmayıl Zalovun çoxillik peşəkar fəaliyyətini yüksək qiymətləndirmiş, onun dövlət və dövlətçiliyə xidmət istiqamətində həyata keçirdiyi məqsədyönlü fəaliyyətini xüsusi qeyd etmişdir. Çıxışda vurğulanmışdır ki, İsmayıl Zalovun hüquq sahəsində qazandığı zəngin təcrübə, milli maraqların müdafiəsi, hüquqi maarifləndirmənin təşviqi və dövlətçilik prinsiplərinin möhkəmləndirilməsi istiqamətində gördüyü işlər ölkənin ictimai-siyasi və hüquqi inkişafına mühüm töhfə verməkdədir.

Bildirildiyi kimi, onun Azərbaycan Jurnalistlər Birliyi-nə üzv seçilməsi media və hüquq sahələri arasında qarşılıqlı əməkdaşlığın genişləndirilməsinə, jurnalistlərin hüquqi biliklərinin artırılmasına və beynəlxalq hüquq təcrübəsinin tətbiqinə əlverişli zəmin yaradır.

Sonda qeyd olunmuşdur ki, bu kimi qərarlar ölkədə peşəkar həmrəyliyin gücləndirilməsi, dövlətçilik prinsiplərinə sadiq mütəxəssislərin dəstəklənməsi və milli informasiya məkanının sağlam əsaslar üzərində inkişaf etdirilməsi baxımından mühüm əhəmiyyət kəsb edir.

ARHD.MEDIA

“Mən yaşayıram-əbədiyaşarlıq şəhadətnaməsi...”

Azərbaycanın igid oğlu, sinəsini düşmən gülləsinə sipər edən, şəhidlik zirvəsinə ucalan Zalov Vidadi Nizami oğlunun əziz xatirəsinə...

Vidadi Zalov: “Yaqorxaqsan, yadaQəhrəman…”

Özü dediyi kimi, onun seçimi Qəhrəmanlıq oldu.

Tarix bəzən insan talelərində yazılır. Bəzən bir ömür bir millətin yaddaşına çevrilir. Elə ömürlər var ki, zaman onları köhnəldə bilmir, əksinə, hər keçən gün onları daha da ucaldır, daha da müqəddəsləşdirir. Çünki bu ömürlər adi yaşanmış həyat deyil – bu, Vətən uğrunda yazılmış dastandır. Bu dastanın qəhrəmanlarından biri də Azərbaycanın igid oğlu, sinəsini düşmən gülləsinə sipər edərək şəhidlik zirvəsinə ucalan Zalov Vidadi Nizami oğludur.

“Mən yaşayıram...” – bu ifadə bəzən sadəcə fiziki varlığın təsdiqi kimi səslənir. Lakin şəhidlər üçün bu söz tamamilə başqa məna daşıyır. Onlar cismani olaraq aramızda olmasalar da, ruhən yaşayırlar. Onların adı, əməlləri, qəhrəmanlıqları xalqın yaddaşında əbədi yaşayır. Bu, əbədiyaşarlığın ən uca formasıdır – şəhadət zirvəsi.

Vidadi kimi igidlər üçün həyatın mənası fərqli idi. Onlar üçün yaşamaq sadəcə nəfəs almaq, gündəlik qayğılarla ömür sürmək deyildi. Onlar üçün yaşamaq Vətən demək idi. Onlar üçün yaşamaq torpağın bütövlüyü, xalqın azadlığı, dövlətin suverenliyi uğrunda mübarizə aparmaq demək idi. Bu düşüncə ilə böyüyən, bu amal ilə yaşayan insanın yolu yalnız bir istiqamətə aparırdı – qəhrəmanlığa.

Uşaqlıqdan başlayan bu yol tədricən formalaşır. Vətən sevgisi ailədən, məktəbdən, cəmiyyətin mənəvi dəyərlərindən qidalanır. Vidadi də belə bir mühitdə böyümüşdü. Onun ürəyində Vətən sevgisi sadəcə sözlə ifadə olunan hiss deyildi – bu, onun varlığının ayrılmaz hissəsi idi. O, torpağın hər qarışını öz canı qədər əziz bilirdi.

Gənclik illərində formalaşan xarakteri onun gələcək həyat yolunu müəyyənləşdirdi. O, çətinlikdən qorxmayan, məsuliyyətdən yayınmayan, hər zaman irəli atılan bir insan idi. Onun üçün geri çəkilmək anlayışı yox idi. Çünki o bilirdi ki, arxada Vətən var, xalq var, müqəddəs dəyərlər var.

Hərbi xidmət onun üçün sadəcə borc deyildi – bu, bir missiya idi. Bu missiya Vətənə sədaqətlə xidmət etmək, onun təhlükəsizliyini qorumaq, düşmənə qarşı sipər olmaq idi. Vidadi bu missiyanı qürurla daşıyırdı. O, silahı yalnız bir vasitə kimi deyil, müqəddəs bir əmanət kimi qəbul edirdi.

Döyüş meydanı insanın əsl simasını üzə çıxaran bir məkandır. Orada maskalar yoxdur, saxta davranışlara yer yoxdur. Orada yalnız həqiqət var – ya qorxaqsan, ya da qəhrəman. Vidadi isə bu həqiqətin ən uca zirvəsində dayanırdı. O, qorxunu aşmış, ölümün gözünə dik baxmağı bacaran bir döyüşçü idi.

Onun döyüş yolu sadəcə əmrlərin icrası ilə məhdudlaşmırdı. O, hər addımında liderlik göstərir, silahdaşlarına nümunə olurdu. Onun varlığı döyüş yoldaşlarına güc verirdi. Çünki belə insanlar ətrafındakılara yalnız fiziki deyil, mənəvi dayaq da olur.

Vətən müharibəsi Azərbaycanın tarixində yeni bir səhifə açdı. Bu müharibə illərlə həsrətlə gözlənilən ədalətin bərpası idi. Bu, yalnız torpaqların azad edilməsi deyil, həm də milli qürurun bərpası idi. Bu müqəddəs mübarizədə Vidadi kimi igidlər ön cəbhədə idi.

O, döyüş meydanında yalnız bir əsgər deyildi – o, bir ideya idi. Bu ideya Vətən sevgisi, sədaqət və fədakarlıq ideyası idi. O, hər addımında bu ideyanı yaşadırdı. Onun üçün ən böyük mükafat qələbə idi. O, bu qələbəyə doğru inamla irəliləyirdi.

Düşmən gülləsinə sinə gərmək hər kəsin bacara biləcəyi bir iş deyil. Bu, yalnız ürəyi Vətən sevgisi ilə dolu olanlara xasdır. Vidadi də belə bir ürəyə sahib idi. O, ölümün bir addımlığında belə geri çəkilmədi. Çünki o bilirdi ki, onun arxasında bütöv bir xalq dayanır.

Şəhidlik zirvəsi insanın çata biləcəyi ən uca məqamdır. Bu zirvəyə yalnız seçilmişlər yüksəlir. Vidadi də bu seçilmişlərdən biri oldu. Onun adı artıq tarixə yazılıb – qəhrəman kimi, vətənpərvər kimi, fədakar bir insan kimi.

Şəhidlərin həyatı yarımçıq qalmır. Onlar tamamlanmış ömür yaşayırlar. Çünki onların həyatı mənalı olur. Onların hər addımı, hər nəfəsi bir məqsədə xidmət edir. Bu məqsəd isə Vətənin azadlığıdır.

Bu gün biz azad torpaqlarda yaşayırıqsa, bu, Vidadi kimi igidlərin sayəsindədir. Onlar öz həyatlarını qurban verərək bizə bu azadlığı bəxş etdilər. Bu, unudula bilməz və unudulmamalıdır.

Şəhidlərin xatirəsi yalnız anım günlərində yad edilməməlidir. Onlar hər gün xatırlanmalı, onların idealları yaşadılmalıdır. Bu, həm də bizim vətəndaşlıq borcumuzdur.

Vidadi kimi igidlər gənc nəsil üçün örnəkdir. Onların həyatı bir məktəbdir. Bu məktəbdə vətənpərvərlik, cəsarət, sədaqət kimi dəyərlər öyrədilir. Bu dəyərlər isə bir millətin gələcəyini formalaşdırır.

Ana üçün oğul itkisi ən ağır dərddir. Lakin şəhid anası olmaq həm də böyük qürurdur. Bu qürur göz yaşları ilə qarışsa da, onun içində böyük bir ucalıq var. Vidadinin anası da belə bir ucalığın sahibidir. O, bir qəhrəman yetişdirib, onu Vətənə bəxş edib.

Ata üçün oğul dayağıdır. Lakin Vətən üçün oğul qalxan olur. Vidadi də belə bir qalxan idi. O, öz canı ilə Vətəni qorudu. Bu, ən böyük fədakarlıqdır.

Şəhidlərin ailələri bizim müqəddəs əmanətimizdir. Onlara qayğı göstərmək, onların yanında olmaq hər birimizin borcudur. Çünki onlar öz ən dəyərli varlıqlarını – övladlarını bu Vətən uğrunda qurban veriblər.

Bu gün azad edilmiş torpaqlarda həyat yenidən canlanır. Dağıdılmış şəhərlər bərpa olunur, kəndlər yenidən qurulur. Bu torpaqlarda ucalan hər bir bina, səslənən hər bir azan, açılan hər bir məktəb şəhidlərin ruhuna bir ehtiramdır.

Vidadi kimi qəhrəmanlar heç vaxt unudulmur. Onların adı xalqın yaddaşında əbədi yaşayır. Bu, əsl ölümsüzlükdür. Bu, “mən yaşayıram” ifadəsinin ən ali təcəssümüdür.

Onun həyatı bir kitabdır. Bu kitabın hər səhifəsində qəhrəmanlıq var, fədakarlıq var, sevgi var. Bu kitabı oxuyan hər kəs bu ruhdan pay alır.

Bəzən sözlər aciz qalır. Qəhrəmanlığı tam ifadə etmək mümkün olmur. Lakin bir həqiqət var – Vidadi kimi insanlar millətin fəxridir. Onlar bu torpağın ən qiymətli sərvətidir.

Bu gün biz başımızı dik tutaraq yaşayırıqsa, bu, onların sayəsindədir. Onlar bizim qürur mənbəyimizdir. Onların xatirəsi qarşısında baş əymək hər birimizin borcudur.

“Mən yaşayıram...” – bu söz artıq bir şüardır. Bu, şəhidlərin dilindən səslənən bir həqiqətdir. Onlar yaşayır – xalqın qəlbində, tarixində, gələcəyində.

Vidadi Zalov da yaşayır. Onun adı yaşayır, ruhu yaşayır, idealları yaşayır. O, əbədiyaşarlıq şəhadətnaməsini öz qanı ilə yazdı.

Bu şəhadətnamə heç vaxt silinməyəcək. Çünki o, yalnız bir insanın deyil, bütöv bir millətin yaddaşına həkk olunub.

Tarix yenə yazılacaq. Yeni nəsillər yetişəcək. Lakin bu tarixdə Vidadi kimi qəhrəmanların adı həmişə xüsusi yer tutacaq.

Çünki onlar bu torpağın yaddaşıdır. Onlar bu xalqın qürurudur. Onlar bu Vətənin əbədi yaşayan övladlarıdır.

Hürü Hacızadə

Yazıçı-publisist

“Qızıl qələm” mükafatçısı

Fərid Faiqoğlu

AJB-nin üzvü

Tarix yenidən yazılır: qəhrəmanlıq, sədaqət və zəfərin canlı salnaməsi

30 aprel Xüsusi Təyinatlı Qüvvələrin yaranma günüdür.

Tarix yenidən başladı...

Zəfər tarixinin qəhrəmanları

“Mənim yoluma bax, əzəldən haqdır”

Xüsusi Təyinatlı (kod adı: Xanış) Şərafəddin Xankişiyev

Tarix bəzən susur, bəzən isə danışır. Elə məqamlar olur ki, o, sadəcə keçmişin xatirəsi deyil, bu günün nəfəsi, sabahın yol xəritəsi kimi yenidən doğulur. Azərbaycan xalqının son onilliklərdə keçdiyi şərəfli yol da məhz belə tarixlərdəndir. Bu tarix qanla, iradə ilə, sədaqətlə və ən əsası, qəhrəman insanların əməlləri ilə yazılıb. Bu qəhrəmanlardan biri də Xüsusi Təyinatlı Qüvvələrin igid döyüşçüsü, “Xanış” kod adlı Şərafəddin Xankişiyevdir.

Onun haqqında danışmaq sadəcə bir insanın həyat yolunu təsvir etmək deyil. Bu, bütöv bir nəsil hərbçinin, bir döyüş məktəbinin, bir ruhun ifadəsidir. Bu ruh Vətən sevgisi ilə yoğrulmuş, torpağa bağlılıqla möhkəmlənmiş, döyüş meydanlarında sınanaraq polad kimi bərkiyən bir ruhdur.

Şərafəddin Xankişiyev və onun kimi igidlər üçün Vətən anlayışı sadəcə coğrafi məkan deyil. Bu, uşaqlıq xatirələri, ata ocağı, ana duası, xalqın ümidləri və gələcəyin təminatıdır. Onların həyat yolu bu müqəddəs anlayışa xidmət etmək üzərində qurulub. Hər addımları, hər qərarları, hər döyüşləri bu amala yönəlib.

2003-cü ildə Xüsusi Təyinatlı Qüvvələrin kursunu bitirən gənc hərbçilər üçün bu, sadəcə bir başlanğıc idi. Qarşıda onları çətin, məsuliyyətli və eyni zamanda şərəfli bir yol gözləyirdi. Bu yolun hər addımı risklərlə dolu olsa da, bu insanlar üçün geri dönüş yox idi. Onlar öz seçimlərini etmişdilər – Vətənə xidmət etmək, onun təhlükəsizliyini qorumaq və lazım gəldikdə canlarını belə qurban vermək.

Şərafəddin Xankişiyev bu yolun ən layiqli nümayəndələrindən biri kimi formalaşdı. Onun peşəkarlığı, döyüş qabiliyyəti və strateji düşüncə tərzi onu fərqləndirən əsas xüsusiyyətlərdən idi. Lakin onu daha da ucaldan bir keyfiyyət vardı – sədaqət. O, təkcə dövlətinə deyil, silahdaşlarına, dostlarına, yoldaşlarına da sədaqətli idi.

Onunla çiyin-çiyinə xidmət edənlər üçün bu münasibət sadəcə hərbi dostluq deyildi. Bu, qardaşlıq idi. Çətin tapşırıqlarda, düşmən arxasında həyata keçirilən kəşfiyyat əməliyyatlarında formalaşan bu bağlar zaman keçdikcə daha da möhkəmlənirdi. Hər uğurlu əməliyyat, hər çətin an bu dostluğu daha da dərinləşdirirdi.

2012–2016-cı illər aralığında yerinə yetirilən xüsusi kəşfiyyat tapşırıqları bu döyüşçülərin həyatında xüsusi yer tutur. Bu əməliyyatlar yalnız fiziki güc deyil, həm də yüksək psixoloji hazırlıq, dözümlülük və dəqiq qərarvermə tələb edirdi. Şərafəddin Xankişiyev bu sınaqlardan üzüağ çıxaraq həm rəhbərliyin, həm də silahdaşlarının böyük hörmətini qazandı.

Zaman keçdikcə Azərbaycan Ordusu daha da gücləndi, müasir texnologiyalarla təchiz olundu, peşəkar kadrlarla zənginləşdi. Bu inkişafın arxasında isə məhz belə igidlərin zəhməti, əzmi və fədakarlığı dayanırdı. Onlar gecə-gündüz demədən xidmət edir, Vətənin keşiyində dururdular.

2020-ci ildə başlanan 44 günlük Vətən müharibəsi isə bu hazırlığın, bu zəhmətin və bu sədaqətin zirvə nöqtəsi oldu. Bu müharibə sadəcə torpaqların azad edilməsi uğrunda deyil, həm də milli qürurun bərpası uğrunda aparılan bir mübarizə idi. Azərbaycan əsgəri bu müharibədə öz gücünü, iradəsini və qəhrəmanlığını bütün dünyaya göstərdi.

Şərafəddin Xankişiyev də bu savaşda ön cəbhədə idi. O, təkcə verilən tapşırıqları yerinə yetirməklə kifayətlənmir, eyni zamanda döyüş yoldaşlarına ruh verir, onları irəli aparırdı. Onun üçün geri çəkilmək anlayışı yox idi. Hər addımı irəliyə doğru idi – qələbəyə doğru.

Bu müharibədə bir çox döyüşçülər ağır yaralar aldı, bəziləri isə ən uca zirvəyə – şəhidlik məqamına yüksəldi. Yaralanaraq hərbi xidmətdən ayrılan silahdaşlarının yarımçıq qalan arzularını davam etdirmək isə Şərafəddin kimi igidlərin üzərinə düşdü. O, bu məsuliyyəti şərəflə daşıdı.

Müharibədən sonra da onun fəaliyyəti dayanmadı. 2021-ci ildə sərhədlərin bərpası əməliyyatlarında, 2022-ci ildə “Sarsıdıcı Zərbə” əməliyyatında, 2023-cü ildə keçirilən antiterror tədbirlərində o, yenə ön sıralarda idi. Bu, onun Vətənə olan sədaqətinin, borcuna olan məsuliyyətinin bariz nümunəsidir.

Belə insanlar üçün müharibə bitmir. Onlar üçün Vətənə xidmət daimi bir missiyadır. Hər bir əməliyyat, hər bir tapşırıq onların həyatının ayrılmaz hissəsidir. Onlar üçün ən böyük mükafat isə xalqın sevgisi və dövlətin etimadıdır.

Bu gün Azərbaycan torpaqlarında həyat yenidən canlanır. Uzun illər işğal altında qalan bölgələrdə tikinti işləri aparılır, insanlar öz doğma yurdlarına qayıdır, məscidlərdə azan səsləri ucalır. Bu mənzərəni görmək hər bir azərbaycanlı üçün böyük qürur mənbəyidir.

Bu qürurun arxasında isə məhz belə qəhrəmanların əməyi dayanır. Onlar öz canlarını riskə ataraq, həyatlarını təhlükəyə qoyaraq bu günü bizə bəxş etdilər. Bu səbəbdən onların adı tarixə qızıl hərflərlə yazılmalıdır.

Şərafəddin Xankişiyev kimi döyüşçülər təkcə hərbçi deyil, həm də bir idealdır. Onlar gənc nəsil üçün nümunədir, vətənpərvərliyin canlı təcəssümüdür. Onların həyat yolu göstərir ki, Vətənə xidmət etmək ən ali dəyərdir.

Bu gün Azərbaycan güclü dövlətdir. Onun gücü təkcə iqtisadi və siyasi göstəricilərlə ölçülmür. Bu güc xalqın birliyində, ordunun qüdrətində və belə qəhrəman insanların varlığında özünü göstərir.

Gələcək nəsillər bu qəhrəmanlıq salnaməsini oxuyarkən yalnız tarix öyrənməyəcəklər. Onlar həm də bu ruhu, bu iradəni, bu sədaqəti hiss edəcəklər. Bu isə millətin gələcəyi üçün ən böyük təminatdır.

Tarix yenidən yazılır və bu tarixin müəllifləri arasında Şərafəddin Xankişiyev kimi igidlərin adı xüsusi yer tutur. Onların həyat yolu, mübarizəsi və qəhrəmanlığı heç vaxt unudulmayacaq.

Çünki bu tarix sadəcə keçmiş deyil – bu, yaşayan, nəfəs alan və gələcəyə yol göstərən bir həqiqətdir. Və bu həqiqətin adı – Azərbaycan əsgərinin qəhrəmanlığıdır.

PS: Bu gün qəhrəmanımız 23 ilin şərəfli imtahanını verir. Hər şey göz qabağında. Vətənə sədaqət andı içənlərdən biridir Şərafəddin Xankişiyev. Dönüb geri baxanda mənalı bir ömrün, qürur dolu bir həyatın dolğun səhifələri açılır. “Vətən mənə oğlu desə, mamır olub qayasında bitərəm” deyənlərdəndir qəhrəmanımız. Bu günkü və gələcək nəsil üçün ideal örnək, gerçək qəhrəman, fəxarət ünvanı – Xüsusi Təyinatlı Qüvvələrin gizir qəhrəmanı, Azərbaycanımızın sədaqətli oğlu Şərafəddin Xankişiyev. Bayramın mübarək, bu bayramın əsas səbəbkarlarından birisən, birincilərindənsən, Vətən oğlu!

Hörmətlə,

Hürü Hacızadə

Yazıçı-publisist

“Qızıl qələm” mükafatçısı

Fərid Faiqoğlu

AJB-nin üzvü