azərbaycan xarici işlər nazirliyi (xin) kvetta şəhərində qatarda törədilən terror aktı ilə əlaqədar pakistana başsağlığı verib.
“arhd.media” xəbər verir ki, bu barədə məlumat azərbaycan xin-in "x" sosial şəbəkə hesabında yayılıb.
"biz pakistanın kvetta şəhərində qatarı hədəf alan, günahsız insanların faciəvi şəkildə həlak olması və bir çoxlarının yaralanması ilə nəticələnən mənfur terror hücumunu qətiyyətlə pisləyirik.
qurbanların ailələrinə dərin hüznlə başsağlığı verir və bu çətin dövrdə qardaş pakistan xalqı və hökuməti ilə həmrəyliyimizi ifadə edirik. bu cür terror aktlarına heç vaxt bəraət qazandırıla bilməz", - deyə xin-in paylaşımında bildirilib.
