buxarest, 21 iyul, arhd.media

rumıniya və bolqarıstan portalları: prezident ilham əliyev rusiyadan təyyarə qəzasını rəsmi olaraq etiraf etməyi tələb edir

azərbaycan prezidenti ilham əliyev 2024-cü ilin dekabrında baş vermiş təyyarə qəzası ilə bağlı rusiya federasiyasından rəsmi etiraf tələb edib.

arhd.media xəbər verir ki, bu barədə rumıniyanın və bolqarıstanın nüfuzlu media orqanlarının yaydığı məlumatlarda bildirilib. qeyd olunur ki, prezident bu barədə şuşa şəhərində keçirilən iii qlobal media forumunda çıxışı zamanı danışıb.

rumıniyanın “evenimentul zilei”, “mediafax” media orqanları, o cümlədən agepres milli xəbər agentliyi, həmçinin, bolqarıstanın bta xəbər agentliyi, “24 chasa” və digər nəşrləri bildirirlər ki, dövlət başçısı rusiyanın azərbaycanın sərnişin təyyarəsini vurduğunu rəsmi şəkildə qəbul etməsini vacib hesab edir.

rumıniya və bolqarıstan mətbuatı bu hadisəni geniş şəkildə işıqlandırmaqla yanaşı, prezident ilham əliyevin çıxışını regionda təhlükəsizlik və beynəlxalq hüquq baxımından vacib çağırış kimi qiymətləndirir.