moskva, 2 iyul, arhd.media

peskov: rf istintaq komitəsinin sədri azərbaycanın baş prokuroru ilə daimi əlaqə saxlayır

rusiya istintaq komitəsinin sədri aleksandr bastrıkin yekaterinburq və bakıda rezonans doğuran işlərlə bağlı problemli məsələləri müzakirə etmək üçün azərbaycanın baş prokuroru kamran əliyevlə daimi əlaqə saxlayır.

arhd.media xəbər verir ki, bu sözləri brifinq zamanı rusiya prezidentinin mətbuat katibi dmitri peskov deyib. onun sözlərinə görə, tərəflər “problemli görünən məsələlərlə məşğul olurlar”.

"hazırda rusiya istintaq komitəsinin sədri aleksandr bastrıkin azərbaycanın baş prokuroru ilə daimi əlaqə saxlayır, bu təmaslar zamanı onlar problemli görünən məsələlərlə məşğul olurlar", -deyə peskov bildirib.