bakı, 18 mart, arhd.media

indi dünyada müharibələr, qanlı toqquşmalar kifayət qədər geniş vüsət alır. indi internet dövründə, informasiya azadlığı dövründə hər kəs hər şeyi bilir, görür və izləyə bilir.

arhd.media xəbər verir ki, bu sözləri prezident ilham əliyev ağdərənin suqovuşan kəndində inşa olunan yaşayış kompleksinin istifadəyə verilməsi mərasimində çıxışı zamanı söyləyib.

dövlətimizin başçısı qeyd edib: “görürük ki, heç də hər bir ölkə öz maraqlarını, ədalətli maraqlarını özü təmin edə bilmir, ya da öz ərazi bütövlüyü uğrunda mübarizə aparır, amma nəticəyə çata bilmir, ya da ki, hər hansı bir kiçikhəcmli hərbi uğura nail olur, amma tam qələbə əldə edə bilmir. yəni, sadəcə olaraq, bu gün dünyada gedən toqquşmalara, münaqişələrə, müharibələrə nəzər salsaq, son tarixin müharibələrinə nəzər salsaq, hətta deyə bilərəm ki, ikinci dünya müharibəsindən sonra azərbaycan qədər birmənalı və tam qələbə heç kim tərəfindən qazanılmayıb”.