bakı, 27 fevral, arhd.media

prezident ilham əliyev: qvineya-bisau ilə siyasi münasibətlər çox yaxşıdır

bu səfər tarixi səfərdir. ilk dəfədir ki, qvineya-bisaunun prezidenti rəsmi səfərə gəlib. biz artıq ikitərəfli gündəliyə aid olan mühüm məsələləri müzakirə etdik və belə razılığa gəldik ki, tərəfdaşlığımızı bütün sahələrdə gücləndirək.

arhd.media xəbər verir ki, bu sözləri prezident ilham əliyev qvineya-bisau prezidenti umaru sisoku embalo ilə mətbuata bəyanatında səsləndirib.

ölkələrimiz arasında siyasi münasibətlərin çox yaxşı olduğunu vurğulayan dövlətimizin başçısı, həmçinin qeyd edib: “beynəlxalq təsisatlarda bir-birimizi dəstəkləyirik, bunu belə də davam etdirəcəyik. bmt və digər beynəlxalq təsisatlarda, islam əməkdaşlıq təşkilatında, qoşulmama hərəkatında bir-birimizi dəstəkləyirik”.