bakı, 20 fevral, arhd.media

kendo ustası masanori yasue azərbaycan idman akademiyasında təlim keçib

azərbaycan idman akademiyasında yaponiyanın ölkəmizdəki səfiri vatanabe katsuya, kendo ustası masanori yasue və digər qonaqlarla görüş keçirilib.

akademiyadan arhd.media-a verilən məlumata görə, əvvəlcə qonaqlar medialab və idman tibbi tədqiqatları laboratoriyasında yaradılan şəraitlə tanış olub, ardınca iclas baş tutub.

iclasda yaponiyanın təhsil sistemi, texnologiya sahələri, yapon şirkətləri ilə layihələr və əməkdaşlıqlar müzakirə edilib. səfir vatanabe katsuya azərbaycan idman akademiyasının gündən-günə inkişaf etdiyini qeyd edərək təhsil ocağının fəaliyyətini yüksək qiymətləndirib.

daha sonra 8-ci dan kendo ustasının təlimi başlayıb. masanori yasue akademiyanın tələbələrinə kendo idman növü haqqında ətraflı məlumat verib. təlim zamanı kendo döyüş nümunələri əyani formada nümayiş olunub.

sonda akademiya rəhbərliyi, səfir, kendo ustası və tələbələrlə xatirə şəkli çəkilib.