Fransanın İran əleyhinə ritorikası, o cümlədən İslam Respublikasından diplomatların çıxarılması Parisin vəziyyətini çətinləşdirir.
“ARHD.MEDiA”nın xəbərinə görə, bu barədə İran Parlamentinin (Məclis) Milli Təhlükəsizlik və Xarici Siyasət Komitəsinin rəhbəri İbrahim Əzizi bildirib.
O qeyd edib ki, İran xalqı "Fransanın xəyanəti"ni unutmayacaq.
Daha müddət əvvəl Fransanın xarici işlər naziri Jan-Noel Barro bəyan etmişdi ki, Fransa Tehranda Fransa diplomatik missiyasının iki əməkdaşının saxlanılmasına cavab olaraq yaxın gələcəkdə iki İran diplomatını ölkədən çıxarmaq niyyətindədir.
"İran xalqı Fransanın çirklənmiş qan (1980-ci illərdə Fransa şirkətlərinin hemofiliya xəstələri üçün İrana ixrac etdikləri və HİV və hepatit C-yə yoluxmuş qan preparatları ilə bağlı insident - red.), INSTEX (Avropa İttifaqı və İran arasında reallaşdırılmamış ticarət mexanizmi - red.) və "snapback" mexanizmi (BMT Təhlükəsizlik Şurasının İrana qarşı sanksiyalarının bərpasını nəzərdə tutan) kimi məsələlərlə bağlı davamlı xəyanətlərini heç vaxt unutmayacaq", - deyə deputat özünün "Facebook" səhifəsində yazıb.
O əlavə edib ki, bu kursun və İran əleyhinə hərəkətlərin davam etdirilməsi Fransanın özünün vəziyyətini ancaq çətinləşdirəcək.
