azərbaycan respublikasının prezidenti zati-aliləri cənab ilham əliyevə

zati-aliləri.

milli bayramınız – müstəqillik günü münasibətilə sizə səmimi-qəlbdən təbriklərimi, azərbaycan respublikasına və onun xalqına davamlı tərəqqi və firavanlıq arzularımı çatdırıram.

fürsətdən istifadə edərək, iqtisadi əməkdaşlıq təşkilatının azərbaycana əsas üzv dövlət kimi verdiyi əhəmiyyəti bir daha təsdiqləyir, ölkənizin təşkilatın iqtisadi gündəliyinin təşviqinə əvəzsiz töhfələrini yüksək dəyərləndirirəm.

bu kontekstdə, sizin rəhbərliyinizlə azərbaycanın ev sahibliyi edəcəyi iqtisadi əməkdaşlıq təşkilatının 17-ci zirvə görüşü xüsusi əhəmiyyət kəsb edir. əminəm ki, sizin dəstəyinizlə zirvə görüşü daha geniş regional inteqrasiya baxımından irəliyə doğru böyük bir addım olacaqdır.

ortaq məqsədlərimizə nail olmaq üçün davamlı dəstəyinizə ümid edirəm.

zati-aliləri, ən yüksək ehtiramımı qəbul etməyinizi xahiş edirəm.

əsəd məcid xan

iqtisadi əməkdaşlıq təşkilatının baş katibi