azərbaycan respublikası konstitusiyasının 119-cu maddəsinin səkkizinci abzasını rəhbər tutaraq, azərbaycan respublikasının nazirlər kabineti qərara alır:

azərbaycan respublikası nazirlər kabinetinin 2020-ci il 10 yanvar tarixli 5 nömrəli qərarı (azərbaycan respublikasının qanunvericilik toplusu, 2020, № 1, maddə 63 (cild i); 2024, № 3, maddə 358, № 9, maddə 1106) ilə təsdiq edilmiş “icbari tibbi sığorta üzrə xidmətlər zərfi”ndə aşağıdakı dəyişikliklər edilsin:

1. 10.1.1-ci yarımbəndin sonunda nöqtəli vergül işarəsi nöqtə işarəsi ilə əvəz edilsin və 10.1.2-ci, 10.1.3-cü yarımbəndlər ləğv edilsin.

2. 10.2-ci bəndə “müraciət üçün” sözlərindən sonra “bu tibbi xidmətlər üzrə tarifin” sözləri əlavə edilsin və həmin bənddə “manat” sözü “faiz həcmində” sözləri ilə əvəz edilsin.

3. 11.1-ci bəndə “göstərilən” sözündən sonra “planlı” sözü əlavə edilsin.

əli əsədov

azərbaycan respublikasının baş naziri

bakı şəhəri, “ 24 ” “ aprel ” 2025-ci il

№ 134