Festivalın ilk günü göz oxşadılar - Fotolar

Fransada dünyanın ən nüfuzlu kino tədbirlərindən biri olan Kann Film Festivalı rəsmi olaraq başlayıb.

“ARHD.MEDiA” xarici mətbuata istinadən xəbər verir ki, 11 gün (12-23 may) davam edəcək festivalın açılış mərasimində məşhur simalar qırmızı xalçada dəbli görüntüləri ilə diqqət çəkiblər.

Gecənin ən çox danışılan obrazlarından biri Demi Mur olub. Aktrisa “Jacquemus” imzalı zərif geyimi ilə göz oxşayıb.

Mayka Monro isə “Ashi Studio” libası ilə qırmızı xalının seçilən adlarından olub.

Əfsanəvi britaniyalı aktrisa Joan Kollinz “Stéphane Rolland Haute Couture” seçimi ilə tədbirə xüsusi dəbdəbə qatıb.

Elayca Vud həyat yoldaşı Mette-Marie Konqsved ilə birlikdə fotoqrafların obyektivinə tuş gəlib.

Festivalın qonaqları arasında Ceyn Fonda da yer alıb. Hollivud ulduzu “Gucci” geyimi ilə zərif görünüşü ilə diqqət çəkib.

Model Haydi Klum isə “Elie Saab” libası ilə gecənin ən parlaq simalarından biri hesab olunub.

Bundan başqa, Ceyms Franko “Giorgio Armani” kostyumunda sevgilisi İzabel Pakzad ilə birlikdə qırmızı xalçada görüntülənib.

Rut Neqqa isə “Dior Haute Couture” geyimi ilə zövqlü seçimi ilə yadda qalıb.

Qeyd edək ki, bu il festivalda geyim qaydalarının sərtləşdirilməsi də müzakirə mövzusu olub. Yenilənmiş rəsmi qaydalara əsasən, açıq-saçıq geyimlər və həddindən artıq həcmli libaslar qadağan edilib. Festival rəhbərliyi bildirib ki, uzun quyruqlu və qonaqların hərəkətinə mane olan geyimlərə icazə verilməyəcək.

Bundan başqa, əvvəlki illərdə yüksək daban ayaqqabı məcburiyyətinə etiraz edən qadın iştirakçılarla gündəmə gələn festivalda bu dəfə qadınların düz ayaqqabı seçə biləcəyi də açıqlanıb.

Kinematoqrafçılar İttifaqının yeni sədri onlardan biri olacaq

Azərbaycan Kinematoqrafçılar İttifaqının sədri postuna namizədlər məlum olub.

“ARHD.MEDiA” APA-ya istinadən xəbər verir ki, sədr postuna iki namizəd var - Xalq artisti Şəfiqə Məmmədova və rejissor Əli İsa Cabbarov.

Kinematoqrafçılar İttifaqından məsələ ilə bağlı bildirilib ki, sədrliyə namizədlər konfransa yaxın vaxtda mətbuata açıqlanacaq.

Qeyd edək ki, Azərbaycan Kinematoqrafçılar İttifaqının qurultayı mayın 26-da keçiriləcək.

Xatırladaq ki, Şəfiqə Məmmədova hazırda ittifaq sədrinin səlahiyyətlərini icra edir, Əli İsa Cabbarov isə qurumun katibidir.

4 mahnı oxuyub 2 milyon alacaq

“Qalatasaray” futbol klubunun çempionluq şənlikləri üçün dünyaşöhrətli müğənni Dua Lipa ilə danışıqlara başladığı bildirilib.

“ARHD.MEDiA” xəbər verir ki, Türkiyə Super Liqasında 26-cı çempionluğunu elan etməyə hazırlaşan “sarı-qırmızı”lılar möhtəşəm bayram proqramı üçün xüsusi hazırlıq görür.

Məlumata görə, “Qalatasaray” rəhbərliyi çempionluq kubokunun təqdim ediləcəyi gecədə səhnə alması üçün Dua Lipaya 2 milyon dollar (3,4 milyon manat) təklif edib.

İddialara əsasən, məşhur sənətçinin tədbirdə 4 mahnı ifa etməsi planlaşdırılır.

Türkiyəli jurnalist Yakup Çınar bildirib ki, tərəflər arasında aparılan ilkin danışıqlar müsbət istiqamətdə davam edir və sənətçinin təklifə isti yanaşdığı qeyd olunur.

Qeyd edək ki, “Qalatasaray” bu gecə “RAMS Park” stadionunda “Antalyaspor”la qarşılaşacaq. Komanda oyunda qələbə qazanacağı təqdirdə çempionluğunu rəsmiləşdirə bilər.

Onlara Prezident mükafatı verildi - Adlar

İncəsənət xadimlərinə Azərbaycan Prezidentinin mükafatları verilib.

“ARHD.MEDiA” xəbər verir ki, bununla bağlı Prezident İlham Əliyev Sərəncam imzalayıb.

Sərəncama əsasən, səhnə fəaliyyəti ilə bağlı aşağıdakı aparıcı incəsənət xadimlərinə Azərbaycan Prezidentinin mükafatları verilib:

Abbasova Mətanət Nizami qızı;

Abbasova-Budaqova Afaq Nurəhməd qızı;

Abdullayev Mətləb Fətəli oğlu;

Abdullayeva Xurşid Lütfəli qızı;

Abdurahmanov Yusif Fikrət oğlu;

Adıgözəlov Yalçın Vasif oğlu;

Ağaverdiyeva Məsməxanım Aslan qızı;

Axundov Əbülfəz Dadaş oğlu;

Allahverdiyeva Naibə Siyavuş qızı;

Aşurov Mustafa Əhməd oğlu;

Atakişiyeva Mətanət Ağazair qızı;

Babayeva İnarə Əhməd qızı;

Bayramov Təyyar Allahverdi oğlu;

Behbudov Əşrəf Məhərrəm oğlu;

Canbaxşiyev Səməd Canbağış oğlu;

Cəbrayılov Elşən Şahin oğlu;

Cəfərov Rasim Valeh oğlu;

Cəfərov Samir Qadir oğlu;

Cəfərzadə Fatimə Üzeyir qızı;

Dubovitskaya Mariya Aleksandrovna;

Eres Mətanət İslam qızı;

Eyvazova Ayan Fuad qızı;

Əfəndi Elçin Fərahim oğlu;

Əhmədov Çingiz Əli Əşrəf oğlu;

Əhmədov Elşad Eldar oğlu;

Əhmədov İbrahim Çingiz oğlu;

Əhmədov İlyas Əhməd oğlu;

Əkbərov Mir Qabil Qafil oğlu;

Əliyev Abdulqəni Zəhmət oğlu;

Əliyev Fərid Fərhad oğlu;

Əliyeva Arzu Qurban qızı;

Əliyeva Münəvvər Sabir qızı;

Əliyeva Ülviyyə Fərhad qızı;

Əlizadə Əkbər Müzəffər oğlu;

Əlizadə Əli Oqtay oğlu;

Əlizadə Şəhla Seidşah qızı;

Əmiraslanlı Rəvanə Bahadur qızı;

Əsədov İlham Əsəd oğlu;

Əsədova Məleykə Əlifağa qızı;

Əsgərov Əsgər Əkbər oğlu;

Əskərov Emil Firuzəddin oğlu;

Əzizov Əzizağa Ağayar oğlu;

Ferştandt Anton Sergeyeviç;

Fətullayev Aslan Miri oğlu;

Gözəlova Maytab Valeh qızı;

Hacıbabayev Elşən Atababa oğlu;

Hacıyev Əli Yusif oğlu;

Hacıyev Fuad Əhəd oğlu;

Hacıyev Hacı Şamil oğlu;

Hacıyev İlqar Xəlil oğlu;

Hacıyev Vüqar Aydın oğlu;

Hacıyeva Fidan Hacıağa qızı;

Hacıyeva Sevil İnşalla qızı;

Heybətov Anar Mithət oğlu;

Heydərova Elnarə Rafiq qızı;

Həsənquliyev Kazım Feyruz oğlu;

Həsənov Kərim Abbas oğlu;

Həsənov Nicat Yusif oğlu;

Həsənov Zaman Hüseyn oğlu;

Hüseynli Anar Vaqif oğlu;

Hüseynli Rauf Eyyub oğlu;

Hüseynov Fizuli İsmət oğlu;

Hüseynov Şövqi Ərəstun oğlu;

Hüseynova Fəridə Malik qızı;

Hüseynova Kəmalə Müzəffər qızı;

Xanəhmədov Səməd Budaq oğlu;

Xanlarov Habil Tehran oğlu;

Xəlilov Səbuhi Ağababa oğlu;

Xəlilzadə Rüfət Eldar oğlu;

İbrahimov Cavid Zəfər oğlu;

İbrahimov Fuad Natiq oğlu;

İbrahimova Nigar Rəfael qızı;

İbrahimova Şəhla İbrahim qızı;

İsmayılov Vilayət Hidayət oğlu;

Kazımov Nicat Mirəziz oğlu;

Kərimduxt Rövşən Ramazan oğlu;

Kərimova Nərgiz Faiq qızı;

Klimaşeva Bella Vladislavovna;

Kuxmazova Yulizana Şəfiyevna;

Qarayev Elnar Cəfər oğlu;

Qədiyev Seymur Ağaddin oğlu;

Qəhrəmanov Abbas Əhməd oğlu;

Qəribova Nargilə Dursun qızı;

Qubadov Ceyhun Şahbala oğlu;

Qulamov Samir Ceyhun oğlu;

Quliyev Cəmil Elşad oğlu;

Quliyev Əyyub Ramiz oğlu;

Quliyev Hafiz Məhərrəm oğlu;

Quliyev Kamran Yusif oğlu;

Quliyeva Şəlalə Şahvələt qızı;

Qurbanova Gülzar Qurban qızı;

Qurbanova Pərvanə Yaqub qızı;

Mansurov Elxan Bəhram oğlu;

Mansurova Səriyyə Mansur qızı;

Mehdiyev İlkin İsgəndər oğlu;

Mehdiyeva İrina Yurmiz qızı;

Mehdiyeva Şarud Mehdi qızı;

Məhərrəmov Firudin Əliməmməd oğlu;

Məmmədov Anar Vaqif oğlu;

Məmmədov Asim Fərman oğlu;

Məmmədov Ayşad Kamal oğlu;

Məmmədov Emil Əfrasiyab oğlu;

Məmmədov Məmməd Əvəz oğlu;

Məmmədov Murad Məmməd oğlu;

Məmmədova Dinara Bəxtiyar qızı;

Məmmədova Lalə Mirzəli qızı;

Mikayılov Anar Şamil oğlu;

Mikayılov Mikayıl Şamil oğlu;

Miltıx Aleksey Leonidoviç;

Mir-Qasım Ayan Oqtay qızı;

Mirzəyev Gülağası Ağa Hüseynoviç;

Mirzəzadə Nicat Qərib oğlu;

Musabəyli Nuridə Musa qızı;

Mustafayev Arzu Əhməd oğlu;

Nəbiyev Cəbrayıl Fərrux oğlu;

Novruzov Əfsər Dilavər oğlu;

Nuriyeva Sədaqət Məmmədağa qızı;

Orucova Almaz Ədil qızı;

Orucova Naidə Mülük qızı;

Orucova Sevda Nəbi qızı;

Osmanov Fuad Tacəddin oğlu;

Osmanova Ayla Bəhram qızı;

Ömərov Gümrah Rza oğlu;

Poladov Əkram Nicad oğlu;

Rəcəbli Məmməd Qüdrət oğlu;

Rəcəbli Vidadi Həsən oğlu;

Rəhimov Teymur Əsgər oğlu;

Rüstəmov Elşən Mərdan oğlu;

Rzayev Ramin Sultan oğlu;

Rzayeva Sevinc Əziz ağa qızı;

Rzayeva Vəfa Əliseyran qızı;

Salahov Əbülfət Yusif oğlu;

Salamov İqrar Zakir oğlu;

Seyidova Ceyla Uran qızı;

Səfərova Kəmalə Mazanovna;

Səlimli Mirbala Seyidəsgər oğlu;

Səlimov Ruslan Xanbala oğlu;

Səmədov Şükür Hacıbala oğlu;

Səttərova Günay Nazim qızı;

Süleymanova Ulduz İbrahim qızı;

Şioşvili Leri Qiorqiyeviç;

Vəliyeva Ləman Vəli qızı;

Yahyayev Taleh Saleh oğlu;

Yəhyayev Elgün Hafiz oğlu;

Yusifova Təranə Əbülfəz qızı;

Zeynalov Azər Zeynalabdın oğlu;

Zeynalov Cümşüd Nəriman oğlu;

Zəki Mehriban Mürvət qızı.

Nazirlər Kabineti bu Sərəncamdan irəli gələn məsələləri həll etməlidir.

İlin ən gözlənilən gecəsindən - Fotolar

İlin ən böyük moda gecəsi olan “Met Qala” başlayıb.

“ARHD.MEDiA” xəbər verir ki, Metropoliten İncəsənət Muzeyinin Kostyum İnstitutuna xeyriyyə məqsədilə təşkil edilən “Met Qala” hər il fərqli bir mövzu və geyim kodu ilə keçirilir.

Hər il may ayının ilk bazar ertəsi günü keçirilən moda tədbiri artıq başlayıb.

Builki “Met Qala”ya ev sahibliyini Anna Vintur, Beyons, Nikol Kidman və Vinnus Uilyams kimi məşhurlar edəcəklər.

Hər il fərqli bir mövzu ilə keçirilən “Met Qala”nın 2026-cı il mövzusu “Kostyum sənəti” olaraq müəyyən edilib. Builki “Moda sənətdir” geyim kodu qonaqları geyim vasitəsilə yaradıcı ifadə forması yaratmağa və qırmızı xalını canlı qalereyaya çevirməyə təşviq edir.

1948-ci ildən bəri keçirilən “Met Qala”da telefon istifadə etmək və selfi çəkmək qadağandır. Bu, tədbirin diqqət mərkəzindəki dizaynlara tam fokuslanmasını təmin edir.

2026-cı ilin “Met Qala”sına Rihanna, Bəd Banni, Leydi Qaqa, Cici Hadid kimi məşhurlar qatılıb.

10 ildən sonra Beyons “Met Qala”da iştirak edərək gecəyə xüsusi rəng qatıb.

İlin ən çox gözlənilən gecəsindən fotoları təqdim edirik:

“Maykl”dan 217 milyon dollarlıq - Kassa rekordu

Musiqi əfsanəsi Maykl Cekson haqqında çəkilən “Maykl” filmi qlobal kassada möhtəşəm start alaraq, musiqi bioqrafiyası janrında yeni rekord müəyyənləşdirib.

“ARHD.MEDiA” xəbər verir ki, film ilk həftəsonunda 217,4 milyon dollar gəlir əldə edib.

Mübahisəli istehsal prosesi, sərt tənqidlər və “Pop kralı”nın irsi ilə bağlı iddialar fonunda ekran işi kommersiya baxımından gözləniləndən xeyli böyük nəticə göstərib.

Film ABŞ və Kanada kinoteatrlarında 97 milyon dollarla açılıb. Beynəlxalq bazarlarda isə 120,4 milyon dollar gəlir əldə edərək, ümumi qlobal açılışını 217,4 milyon dollara çatdırıb. Bu göstərici musiqi bioqrafiyası janrı üçün yeni rekord hesab olunur.

Film ilkin proqnozları da üstələyib. Təxminlər 70 milyon dollar civarında olsa da, nəticə bu rəqəmi xeyli geridə qoyub. Bununla film 2015-ci ildə 60,1 milyon dollarla açılan “Straight Outta Compton” və 2018-ci ildə 51 milyon dollarla açılan “Bohemian Rhapsody” kimi əvvəlki uğurlu bioqrafik filmləri də geridə qoyub.

“Əvvəldən bunun mümkün ola biləcəyinə dair bütün əlamətlər var idi. Bütün auditoriya seqmentlərində böyük maraq görürdük”, - “Lionsgate” prezidenti Adam Foqelson “Associated Press”ə (AP) bildirib.

Film hazırda dünyanın əksər ölkələrində nümayiş olunur. Yeganə istisna Yaponiyadır, orada nümayişin iyun ayında başlanacağı planlaşdırılır.

Təxminən 200 milyon dollarlıq büdcəsi ilə “Maykl” bütün dövrlərin ən bahalı bioqrafik filmlərindən biri sayılır. Güclü açılış fonunda filmin ümumi gəlirdə 910 milyon dollar qazanan “Bohemian Rhapsody”ni geridə qoyaraq, ən gəlirli musiqi bioqrafiyası ola biləcəyi ehtimal edilir.

Filmlə bağlı rəylər, əsasən, mənfidir. Hətta Maykl Ceksonun bacısı Canet Cekson və qızı Paris Cekson da daxil olmaqla, Cekson ailəsinin bəzi üzvləri filmə qarşı çıxıblar. Paris Cekson filmi “fantaziya dünyası” adlandırıb.

Filmin istehsal prosesi də ciddi problemlərlə müşayiət olunub. Çəkilişlər başa çatdıqdan sonra prodüserlər böyük hüquqi və maliyyə problemi ilə üzləşiblər. Səbəb filmin üçüncü hissəsinin o vaxt 13 yaşında olan və Maykl Ceksonun 1994-cü ildə 23 milyon dollarlıq razılaşma ödədiyi Cordan Çandlerə qarşı ittihamlara fokuslanması olub. Lakin həmin razılaşmanın şərtləri filmdə Çandlerdən bəhs etməyi qadağan edib.

Nəticədə filmin əhəmiyyətli hissəsi kəsilib və yenidən çəkilib. Bu proses filmin büdcəsinə təxminən 50 milyon dollar əlavə xərc yaradıb. Rejissor Antuan Fuqua və ssenarist Con Loqan isə hər hansı ittiham ortaya çıxmazdan əvvəl filmin sonluğunu 1988-ci ilə keçirərək, yenidən montaj ediblər.

“Ad günümü səhnədə qeyd edəcəyəm” - 60 yaşlı Məleykə

Bu gün Xalq artisti, müğənni və aktrisa Məleykə Əsədovanın doğum günüdür.

“ARHD.MEDiA” 60 yaşı tamam olan sənətçi ilə əlaqə saxlayıb.

Xalq artisti bildirib ki, ad gününü tamaşaçıları ilə birlikdə qeyd edəcək: “Bu gün mənim üçün çox gözəl bir gündür. Yaşımı sevirəm. İllərim addımlarımdır. Hər addımımda isə zəhmət var. Bu yaşa çatmaqda zəhmət var. Aprel ayının əvvəlindən bəri ad günümlə bağlı təbriklər gəlir. Ötən gün gecə saat 12 olan kimi isə ilk məni qızım təbrik edib. Mən səhnə üçün doğulmuşam. Uşaqlıqdan bəri bu sənəti sevmişəm və sənətin ən çətinini seçmişəm. Buna görə ad günümü də səhnədə, tamaşaçılarımla qeyd edəcəyəm. Bu gün İlyas Əfəndiyevin əsəri əsasında səhnələşdirilmiş “Xurşidbanu Natəvan” tamaşası ilə səhnədə olacağam”.

Qeyd edək ki, Məleykə Əsədova 1966-cı il aprelin 23-ü Neftçala rayonunda anadan olub. O, 1998-ci ildə Əməkdar artist, 2000-ci ildə isə Xalq artisti fəxri adları ilə təltif olunub. Prezident mükafatçısıdır. 2014-cü ildə Cəfər Cabbarlı adına Mükafata layiq görülüb. 2019-cu ildə “Azərbaycan Respublikası Prezidentinin fəxri diplomu” ilə təltif edilib.

Bir çox film və tamaşalarda rol alan aktrisa Gültəkin (“Aydın”, Cəfər Cabbarlı), Leyli (“Leyli və Məcnun”), Şirin (“Fərhad və Şirin”, Səməd Vurğun), Jalə (“Yad qızı”, Orxan Kamal), Əfsanə (“İtkin gəlin” Əlibala Hacızadə), Cavidan (“Dodaqdan qəlbə”, Rəşad Nuri Güntəkin), Sara (“Apardı sellər Saranı”, Kəmalə Ağayeva), Xurşidbanu Natəvan (“Güllələnmiş heykəllər”, Hüseynbala Mirələmov) və başqa bir çox obrazları ilə sevilir.

Meqanla şəkil çəkdirmək üçün bu qədər pul ödədilər

Şahzadə Harrinin həyat yoldaşı, Sasseks hersoginyası Meqan Marklın Avstraliyaya səfəri çərçivəsində keçirilən tədbirlərdə pərəstişkarların onunla görüş və foto çəkdirmək üçün 1700 funt-sterlinqə (təxminən 3900 manat) qədər ödəniş etdiyi bildirilib.

“ARHD.AZ”ın məlumatına görə, Sidneydə təşkil olunan xüsusi tədbirdə premium biletlərə sual-cavab sessiyasında iştirak, ön sırada oturacaq və hersoginya ilə selfi imkanı daxil olub.

İştirakçılar üçün ən yüksək paketlərin qiymətinin 1700 funt-sterlinq olduğu qeyd edilir.

Şahzadə Harrinin da qatıldığı tədbirdə foto çəkilişlərinə məhdudiyyət qoyulduğu bildirilib. Tədbir zamanı Meqan Marklın çıxışı və iştirakçılarla ünsiyyəti diqqət çəkib.

Təşkilatçılar tərəfindən hersoginyanın tədbirdə iştirakını təmin etmək üçün ayrıca maliyyə ödənişlərinin həyata keçirildiyi də iddialar arasındadır. Proqram çərçivəsində yoqa seansları, motivasiya görüşləri və müxtəlif ictimai fəaliyyətlər təşkil olunub.

Meqan Markl çıxışı zamanı ictimai təzyiq və tənqidlərdən danışaraq, uzun müddətdir bu vəziyyətlə üzləşdiyini bildirib və sosial medianın təsirinə diqqət çəkib.

Məşhur filmlərin rejissoru vəfat etdi

Tanınmış sovet, Rusiya və Belarus kinorejissoru Vyaçeslav Nikiforov 83 yaşında vəfat edib.

“ARHD.AZ” Rusiya mətbuatına istinadən xəbər verir ki, bu barədə Belarus Kinematoqrafçılar İttifaqının Mətbuat xidməti məlumat yayıb.

Vyaçeslav Nikiforov karyerası ərzində 30-dan çox film və serial çəkib. Onun ən məşhur filmləri sırasında “Dövlət sərhədi”, “Kral balıqçısı”, “Atalar və oğullar” və “Zadəgan quldur Vladimir Dubrovski” var.

Maqsud Məmmədov vəfat etdi

Görkəmli baletmeyster, Xalq artisti, Prezidentin fərdi təqaüdçüsü Maqsud Məmmədov vəfat edib.

“ARHD.AZ” xəbər verir ki, bu barədə Mədəniyyət Nazirliyi məlumat yayıb.

Bildirilib ki, 97 yaşlı Xalq artisti bu gün dünyasını dəyişib.

Maqsud Məmmədov dünya və Azərbaycan balet sənəti nümunələrində mürəkkəb partiyaları - Ziqfrid (“Qu gölü”), Albert (“Jizel”), Bazil (“Don Kixot”), Polad (“Qız qalası”), Azad (“Gülşən), Fərhad (“Məhəbbət əfsanəsi”), Lenni (“İldırımlı yollarla”) və s. böyük uğurla ifa edib, baletsevərlərin dərin rəğbətini qazanıb.

Qeyd edək ki, Maqsud Məmmədov 1955-ci ildə “Əməkdar artist”, 1970-ci ildə isə “Xalq artisti” fəxri adlarına layiq görülüb. 2019-cu ildə “Şöhrət” ordeni ilə təltif olunan sənətkar 2002-ci ildən Prezidentin fərdi təqaüdçüsü idi.