Pop musiqisinin əfsanəsi Maykl Ceksonun şəxsi əşyaları, o cümlədən “Thriller” klipində geyindiyi gödəkçə “Julien's Auction” hərracında satışa çıxarılacaq. 


“ARHD.MEDiA” xəbər verir ki, bu barədə hərrac evinin saytı məlumat yayıb. 


“Hərracda yüzdən çox sənət əsəri, o cümlədən Maykl Ceksonun 1983-cü ildə “Thriller” hitinə çəkilmiş klipdə geyindiyi məşhur qara-qırmızı dəri gödəkçə təqdim olunacaq”, - məlumatda deyilir. 


Hərracda lotun dəyəri 200-400 min dollar olaraq qiymətləndirilir. Bundan əlavə, həmin klipdə geyinilmiş loferler 30-50 min dollara satışa çıxarılacaq. Hərrac evinin kataloqunda həmçinin sənətçinin 1983-cü ildə “Motown” 25 şousunda ilk dəfə “ay yerişi”ni ifa etdiyi loferler 60-80 min dollara, eləcə də dəyəri 600-800 min dollar qiymətləndirilən ağ əlcək yer alır. 


Lotlar üzrə hərrac 7-9 dekabr tarixlərində Əbu-Dabidə keçiriləcək.


Qeyd edək ki, “Pop musiqinin kralı” hesab olunan Maykl Ceksonun albomlarının dünya üzrə 1 milyarddan çox nüsxəsi satılıb. O həmçinin mədəni irsi ölümündən sonra belə gəlir gətirməyə davam edən məşhur insanların reytinqində birinci yerdədir.

 

Baxış sayı: 3 227

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə