london, 24 iyun, arhd.media
uk 2035-ci ilə qədər üdm-in 5 faizini müdafiəyə xərcləyəcək
böyük britaniyanın baş naziri kir starmer 2035-ci ilə qədər ölkənin müdafiə və milli təhlükəsizlik sahələrinə üdm-in 5 faizi həcmində vəsait ayıracağını bəyan edib.
arhd.media “independent”ə istinadla xəbər verir ki, bu açıqlama nato-nun haaqa sammiti ərəfəsində imzalanan yeni razılaşma fonunda verilib.
5 faizlik müdafiə xərci göstəricisi daha əvvəl abş prezidenti donald tramp tərəfindən tələb edilmişdi. o, avropa ölkələrinin artıq abş-ın müdafiə xərclərinə arxalanmamalı olduğunu bildirib.
kir starmer bildirib ki, 5 faizlik göstərici ikinci dünya müharibəsindən bəri britaniyanın müdafiəyə ayırdığı ən yüksək üdm payı olacaq. lakin britaniya hökuməti hələlik 5 faizlik hədəfinin necə maliyyələşdiriləcəyinə dair konkret açıqlama verməyib.
