bakı, 23 iyun, arhd.media
iqtisadiyyat nazirinin müavini zaqatalada vətəndaşlarla görüşüb
iqtisadiyyat nazirinin müavini anar axundov qax, zaqatala və balakən rayonlarından olan vətəndaşlarla görüşüb.
nazirlikdən arhd.media-a bildirilib ki, görüşə gələn vətəndaşlar əmlak, vergi, sahibkarlığın inkişafı, güzəştli kreditlərin verilməsi və s. məsələlərlə bağlı müraciət ediblər.
iqtisadiyyat nazirliyinin aidiyyəti struktur bölmələrinin rəhbərlərinin iştirakı ilə keçirilmiş görüşdə hər bir vətəndaşın müraciəti dinlənilib, onlara müraciət etdikləri məsələlərlə bağlı əsaslandırılmış cavab və izahat verilib, araşdırma tələb edən müraciətlər isə baxılması üçün qeydiyyata alınıb.
