qahirə, 16 fevral, arhd.media

azərbaycan və efiopiyanın investisiya holdinqləri arasında anlaşma memorandumu imzalanıb

əddis-əbəbədə efiopiya investisiya holdinqi (eih) ilə azərbaycan investisiya holdinqi (aih) arasında strateji əməkdaşlığın təşviqi məqsədilə anlaşma memorandumu imzalanıb.

arhd.media efiopiya investisiya holdinqinin saytına istinadla xəbər verir ki, sənədi eih-nin baş direktoru dr. bruk teye və aih-nin baş direktoru ruslan əlixanov imzalayıblar.

bu sənəd tərəflər arasında bilik və təcrübə, eləcə də texnologiya mübadiləsi və birgə investisiya təşəbbüsləri kimi əsas sahələrdə əməkdaşlıq üçün çərçivə yaratmağı hədəfləyir.

imzalanma mərasimindən sonra bruk teye tərəfdaşlığın əhəmiyyətini vurğulayaraq, anlaşma memorandumunu efiopiya və azərbaycan arasında iqtisadi əlaqələri gücləndirmək yolunda mühüm addım adlandırıb. qeyd edib ki, bu, investisiya idarəçiliyi sahəsində qarşılıqlı təcrübədən istifadə etməklə, dayanıqlı iqtisadi artımı dəstəkləyən sahələrdə səmərəli əməkdaşlıq üçün zəmin yaradacaq.

ruslan əlixanov tərəfdaşlığın əhəmiyyətini və iki təşkilat arasında əməkdaşlıq potensialını vurğulayıb. bildirib ki, bu əməkdaşlıq bilik transferi, texnoloji nailiyyətlər və dövlət müəssisələrinin fəaliyyətini gücləndirəcək birgə təşəbbüslər üçün yeni imkanlar açır.

anlaşma memorandumunun imzalanması hər iki qurumun iqtisadi transformasiyanı təşviq etmək, dövlət müəssisələrinin fəaliyyətini optimallaşdırmaq və qarşılıqlı maraq doğuran digər sahələrdə yeni investisiya imkanlarını üzə çıxarmaq səylərinin möhkəmləndirir.