prezident ilham əliyev polşa prezidenti zati-aliləri cənab karol navrotskini təbrik edib.

“arhd.media” xəbər verir ki, təbrik məktubunda deyilir:

“hörmətli cənab prezident,

3 may – konstitusiya günü münasibətilə sizi və sizin simanızda bütün xalqınızı öz adımdan və azərbaycan xalqı adından səmimi-qəlbdən təbrik edirəm.

azərbaycan ilə polşa arasında əlaqələr dərin tarixi köklərə və xoş ənənələrə əsaslanır. biz böyük potensiala malik dövlətlərarası əlaqələrimizin və səmərəli əməkdaşlığımızın inkişafına xüsusi əhəmiyyət veririk.

inanıram ki, ölkələrimiz arasında dostluq münasibətlərinin genişlənməsi, strateji tərəfdaşlığımızın möhkəmlənməsi, qarşılıqlı fəaliyyətimizin həm ikitərəfli əsasda, həm də avropa ittifaqı çərçivəsində inkişafı yolunda birgə səylərimizi bundan sonra da uğurla davam etdirəcəyik.

belə bir xoş gündə sizə möhkəm cansağlığı, xoşbəxtlik, işlərinizdə uğurlar, dost polşa xalqına daim əmin-amanlıq və firavanlıq diləyirəm”.