azərbaycanın yaponiyadakı fövqəladə və səlahiyyətli səfiri gürsel qüdrət oğlu ismayılzadə vəzifəsindən geri çağırılıb.

arhd.media  xəbər verir ki, bununla bağlı prezident ilham əliyev sərəncam imzalayıb.

həmçinin prezidentin digər sərəncamlarına əsasən, məmməd afiq oğlu talıbov azərbaycanın meksika birləşmiş ştatlarında, eyni zamanda honduras, kolumbiya, kosta rika, qvatemala, panama və peru respublikalarındakı səfiri, eldar nadir oğlu səlimov  iordaniya haşimilər krallığındakı səfiri, şahin şakir oğlu abdullayev azərbaycanın səudiyyə ərəbistanı krallığında, eyni zamanda bəhreyn krallığında fövqəladə və səlahiyyətli səfiri və azərbaycan respublikasının islam əməkdaşlıq təşkilatı yanında daimi nümayəndəsi vəzifələrindən geri çağırılıb.

dövlət başçısının digər sərəncamlarına əsasən, fərid yunis oğlu talıbov azərbaycanın yaponiyada, seymur həbib oğlu fətəliyev azərbaycanın meksikada, həmçinin eldar nadir oğlu səlimov azərbaycanın iraqda, şahin şakir oğlu abdullayev isə azərbaycanın iordaniya haşimilər krallığında fövqəladə və səlahiyyətli səfiri təyin edilib.