azərbaycanın bəhreyn krallığında (manama şəhərində) səfirliyi təsis edilib.

“arhd.media” xəbər verir ki, prezident ilham əliyev bununla bağlı sərəncam imzalayıb.

sərəncamda deyilir:

“azərbaycan respublikası konstitusiyasının 109-cu maddəsinin 32-ci bəndini rəhbər tutaraq, azərbaycan respublikasının bəhreyn krallığında (manama şəhərində) səfirliyinin fəaliyyətinin təmin edilməsi məqsədilə qərara alıram:

1. azərbaycan respublikasının nazirlər kabineti:

1.1. azərbaycan respublikasının bəhreyn krallığında (manama şəhərində) səfirliyinin fəaliyyətinin təmin edilməsi ilə bağlı maddi-texniki təchizat və maliyyələşdirilmə məsələlərini həll etsin;

1.2. bu sərəncamdan irəli gələn digər məsələləri həll etsin.

2. azərbaycan respublikasının xarici işlər nazirliyi səfirliyin strukturunu və ştat cədvəlini təsdiq etsin”.