moskva, 27 iyun, arhd.media

rusiyada aviaşirkətlərə iraq, iran və iordaniya üzərindən uçmağa icazə verilib

“rosaviasiya” agentliyi rusiya aviaşirkətləri üçün iraq, iran və iordaniya hava məkanında uçuşlara qoyulan qadağanı ləğv edib.

arhd.media xəbər verir ki, agentlik qərarın yaxın şərqdə mülki aviasiya fəaliyyətinin davam edən təhlilinin nəticələrinə əsasən qəbul edildiyini vurğulayıb. mütəxəssislər vəziyyəti izləməyə davam edir və vəziyyət dəyişərsə, məlumat operativ şəkildə aviaşirkətlərə çatdırılacaq.

“aeroflot” aviaşirkəti iyulun 4-dən tehrana uçuşları bərpa etməyi planlaşdırır. aviadaşıyıcının saytında verilən məlumata görə, tehrana uçuşlar həftədə üç dəfə həyata keçiriləcək.

iyunun 13-də hərbi əməliyyatların başlaması ilə əlaqədar “rosaviasiya” israil, iordaniya, iraq və iran üzərində uçuşlara müvəqqəti qadağa qoymuşdu. münaqişənin kəskinləşməsindən sonra məhdudiyyətlər qətərin hava məkanına qədər genişləndirilib.