bakı, 15 mart, arhd.media

bakı şəhər icra hakimiyyətinin mətbuat xidmətindən arhd.media-a verilən məlumata görə martın 15-də “konstitusiya və suverenlik ili” çərçivəsində bakı şəhər icra hakimiyyəti və “regional inkişaf” ictimai birliyinin birgə təşkilatçılığı ilə paytaxtın nərimanov rayonu ərazilərində ümumşəhər iməciliyi və ağacəkmə aksiyası keçirilib.

səhər saatlarından etibarən bakı şəhər icra hakimiyyətinin kommunal təsərrüfat xidmətlərinin texnikası tərəfindən şəhərin 551 əsas küçə və prospektlərinin yuyucu maddələrlə yuyulması təmin edilib və eyni zamanda, genişmiqyaslı təmizlik və abadlıq işləri həyata keçirilib. bakı şəhər icra hakimiyyətinin çağırışına səs verən müəssisə, idarə və təşkilatların kollektivləri, fərdi sahibkarlar və özəl sektor nümayəndələri, şəhər sakinləri də icra qurumlarının əməkdaşları ilə birlikdə iməcilikdə yaxından iştirak ediblər.