ankara, 15 mart, arhd.media

iğdır valisi türkiyə-azərbaycan əməkdaşlığının inkişafına töhfəsinə görə mükafatlandırılıb

türkiyənin iğdır şəhərinin azərbaycanlı icmasının nümayəndələri türkiyə ilə azərbaycan arasında qardaşlıq əlaqələrinin və əməkdaşlığın inkişafına verdiyi töhfəyə görə vali ercan turana plaket təqdim ediblər.

türkiyə-azərbaycan dostluq dərnəkləri federasiyasının (tadeef) sədr müavini, iğdır azərbaycan evi cəmiyyətinin rəhbəri serdar ünsal arhd.media-a müsahibəsində bildirib ki, təyin olunduğu ilk günlərdən azərbaycana və iğdır azərbaycanlılarına xüsusi qayğı və diqqətlə yanaşan e.turanın fəaliyyəti yüksək qiymətə layiqdir.

vali iğdır azərbaycanlıları ilə söhbətində əmin edib ki, türkiyə daim azərbaycanın yanında olub və gələcəkdə də qardaş ölkəni dəstəkləyəcək.

iğdır və naxçıvan sakinləri arasında sıx təmasları və adət-ənənələrdə olan oxşarlıqları vurğulayan vali qeyd edib: “bizim fəaliyyətimiz “bir millət, iki dövlət” prinsipinə əsaslanır. biz gələcəkdə də azərbaycanlı qardaşlarımıza kömək etməyə davam edəcəyik”.