bakı, 8 mart, arhd.media
baş dövlət yol polisi idarəsi yolda tətbiq ediləcək məhdudiyyətlə bağlı sürücülərə xəbərdarlıq edib
azərbaycan avtomobil yolları dövlət agentliyinin (aayda) məlumatına əsasən, m-1 bakı-quba-rusiya federasiyası ilə dövlət sərhədi avtomobil yolunun 102-ci kilometrində yolötürücü və kanal üzərində yerləşən körpüdə aparılacaq təmir işləri ilə əlaqədar olaraq, martın 8-dən saat 10:00-dan etibarən yolun sözügedən hissəsində nəqliyyat vasitələrinin hərəkəti qismən məhdudlaşdırılacaq. məhdudlaşma təmir işləri bitənədək qüvvədə olacaq.
bu barədə arhd.media-a baş dövlət yol polisi idarəsindən məlumat verilib.
bildirilib ki, baş dövlət yol polisi idarəsi hərəkətin təşkilində ediləcək dəyişiklikləri nəzərə alaraq, sürücülərdən yolun sözügedən hissəsində daha diqqətli olmağı, müvəqqəti yol nişanlarının tələblərinə qeyd-şərtsiz əməl etməyi, özlərinin və digər hərəkət iştirakçılarının həyat və sağlamlığı üçün təhlükə yaradan hərəkətlərdən çəkinməyi xahiş edir.
