bakı, 20 fevral, arhd.media
aib ilə azərbaycan dəmiryolunun yeni istiqamətləri üzrə əməkdaşlıq müzakirə edilib
“azərbaycan dəmir yolları” qsc-nin (ady) sədri rövşən rüstəmov asiya inkişaf bankının (aib) ölkəmizdəki nümayəndəliyinin rəhbəri sunniya durrani-camalla görüşüb.
ady-dən arhd.media -a bildirilib ki, görüşdə iki qurum arasında səmərəli tərəfdaşlıq münasibətləri və aib-in azərbaycanın dəmiryol infrastrukturunun inkişafına dəstəyi yüksək qiymətləndirilib. həmçinin aib-in dəstəyi ilə həyata keçirilən azərbaycan dəmiryol sisteminin rəqəmsallaşdırılması, sumqayıt–yalama dəmiryol xəttinin bərpası kimi layihələr və yeni istiqamətlərdə əməkdaşlıq imkanları barədə fikir mübadiləsi aparılıb.
