ABŞ-də iyulun 4-də qeyd olunan Müstəqillik Günü ölkənin müxtəlif ştatlarında möhtəşəm tədbirlər, paradlar, atəşfəşanlıq şouları və ailəvi festivallarla yadda qalıb.
“ARHD.MEDiA” xəbər verir ki, Vaşinqtonda minlərlə insan konsert proqramına və ənənəvi atəşfəşanlıq nümayişinə qatılıb.
Nyu-Yorkda məşhur “Macy's” atəşfəşanlıq şousu şəhərin səmasını işıqlandırıb, Çikaqo, Boston, Filadelfiya və digər şəhərlərdə də izdihamlı tədbirlər təşkil olunub.
Qeyd edək ki, ABŞ-də Müstəqillik Günü 1776-cı il iyulun 4-də Müstəqillik Bəyannaməsinin qəbul edilməsinin ildönümü kimi qeyd olunur və ölkənin ən mühüm milli bayramlarından biri hesab edilir.
