ankara, 20 avqust, arhd.media

mark rütte nato-nun ankarada keçiriləcək sammitinə hazırlıqla bağlı türkiyəyə minnətdarlıq edib

nato-nun baş katibi mark rütte şimali atlantika alyansının dövlət və hökumət başçılarının ankarada keçiriləcək sammitinə hazırlığa görə türkiyə hakimiyyətinə minnətdarlığını bildirib.

arhd.media xəbər verir ki, m. rütte türkiyəni “nato hərbi-siyasi blokunun ümumi təhlükəsizlik arxitekturasına əvəzsiz töhfə verən güclü müttəfiq” adlandırıb.

o, növbəti nato sammitinin 2026-cı il iyulun 7-8-də ankaradakı prezident kompleksində keçiriləcəyini açıqlayıb. “liderlər alyansı möhkəmləndirmək, onu daha güclü, ədalətli və effektiv platformaya çevirmək üçün səyləri davam etdirmək imkanı əldə edəcəklər”, - deyə baş katib diqqətə çatdırıb.

o, həmçinin əmin olduğunu bildirib ki, müttəfiqlərin səyləri təhlükəsizlik sahəsində ciddi çağırışlara cavab vermək üçün daha hazırlıqlı olmağa imkan verəcək.v