tbilisi, 16 iyul, arhd.media

gürcüstanın baş naziri türkiyənin ticarət naziri ilə regional əməkdaşlıq məsələlərini müzakirə edib

gürcüstanın baş naziri irakli kobaxidze tbilisidə səfərdə olan türkiyənin ticarət naziri ömər bolatla görüşüb.

görüşdə ikitərəfli və regional əməkdaşlıq məsələləri diqqət mərkəzində olub.

arhd.media xəbər verir ki, görüşdə tbilisidə keçirilən gürcüstan-türkiyə biznes-forumunun əhəmiyyəti xüsusi qeyd olunub.

söhbət zamanı gürcüstan ilə türkiyə arasında strateji tərəfdaşlıq münasibətlərinin önəmi vurğulanıb.

tərəflər ikitərəfli əlaqələrin siyasi, iqtisadi və digər sahələrdə inkişaf dinamikasından məmnunluq ifadə ediblər.

danışıqlar zamanı tərəflər regional əhəmiyyətli birgə layihələr, o cümlədən artan ticarət dövriyyəsi və əməkdaşlıq imkanları barədə fikir mübadiləsi aparıblar.

baş nazir irakli kobaxidze gürcüstanın cənubi qafqazda sülh və sabitliyin təmininə töhfə verməyə hazır olduğunu vurğulayıb və regionda təhlükəsizliyin qorunmasının əhəmiyyətini qeyd edib.

hökumət başçısı, həmçinin türkiyə nümayəndə heyətini oktyabrın 22-23-də tbilisidə keçiriləcək v ipək yolu forumunda iştiraka dəvət edib.