praqa, 3 iyun, arhd.media
avropa ittifaqında işsizlik səviyyəsinə dair yeni məlumatlar açıqlanıb
bu gün cari ilin aprel ayı üçün avropa ittifaqı ölkələrində işsizlik səviyyəsinə dair məlumatlar açıqlanıb. işsizlik səviyyəsi 5,9 faiz səviyyəsində qalıb. illik müqayisədə göstərici 0,1 faiz azalıb.
bu barədə arhd.media “eurostat” statistika idarəsinin hesabatına istinadən məlumat verir.
toplanmış məlumatlara görə, ən aşağı işsizlik səviyyəsi çexiyada 2,7 faiz (ay ərzində 0,1 faiz artıb) və maltada 2,7 faiz (0,1 faiz azalıb) qeydə alınıb.
apreldə polşa və bolqarıstanda işsizlik səviyyəsi 4 faizdən aşağı olub və hər iki ölkədə 3,3 faiz təşkil edib. bundan başqa, almaniyada 3,6 faiz, kiprdə 3,7 faiz, niderlandda isə 3,8 faiz işsizlik səviyyəsi olub.
avrozonada işsizlik səviyyəsi 6,2 faiz olub və mart ayı ilə müqayisədə 0,1 faiz azalıb. illik müqayisədə avrozonada işsizlik 0,2 faiz azalma göstərib.
“eurostat”ın qiymətləndirmələrinə görə, aprel ayında avropa ittifaqında işsiz sayılanların sayı 12,902 milyon nəfər olub. onlardan 10,680 milyon nəfəri avrozonada yaşayır. mart ayı ilə müqayisədə işsizlik səviyyəsi avropa ittifaqında 188 min nəfər, avrozonada isə 207 min nəfər azalıb. illik müqayisədə isə işsizlərin sayı avropa ittifaqında 217 min, avrozonada 343 min nəfər azalıb.
avropa ittifaqında 25 yaşadək gənclər arasında işsizlik səviyyəsi aprel ayında 14,8 faiz olub və əvvəlki aya nisbətən 0,2 faiz azalıb. avrozonada isə gənclər arasında işsizlik 14,4 faiz təşkil edib (əvvəlki ay 14,8 faiz olub).
