istanbul, 27 yanvar, günel karatepe, arhd.media
türkiyənin xarici işlər naziri hakan fidan yanvarın 28-də səudiyyə ərəbistanına səfər edəcək.
səfər çərçivəsində türkiyə ilə səudiyyə ərəbistanı arasında inkişaf edən siyasi münasibətlər, sürətlə artan ticarət həcmini daha da yüksəltmək hədəfi, türkiyə-səudiyyə koordinasiya şurasının ikitərəfli əməkdaşlığın dərinləşməsində və yeni əməkdaşlıq sahələrinin yaradılmasında rolu kimi məsələlərin müzakirəsi gözlənilir. görüşlər zamanı fikir mübadiləsi aparılacaq mövzular arasında beynəlxalq məsələlər, o cümlədən suriyadakı son vəziyyət və beynəlxalq ictimaiyyətin buna yanaşması, israillə fələstin arasında əldə edilən atəşkəslə bağlı proseslər də yer alacaq.
səfər çərçivəsində 2016-cı ildə yaradılan və ilk iclası ondan bir il sonra ankarada keçirilən türkiyə-səudiyyə koordinasiya şurasının fəaliyyəti də müzakirə ediləcək. şuranın ikinci iclasının yaxın vaxtlarda xin rəhbərlərinin sədrliyi ilə ər-riyadda keçirilməsi gözlənilir.
türkiyə və səudiyyə ərəbistanı, həmçinin islam əməkdaşlıq təşkilatı - ərəb liqası qəzza təmas qrupuna üzv ölkələrdir.
qeyd edək ki, türkiyə ilə səudiyyə ərəbistanı arasındakı ticarətin həcmi 2024-cü ildə təxminən 8 milyard dollar olub. türkiyənin inşaat şirkətləri indiyədək səudiyyə ərəbistanında 400-dən çox layihə həyata keçiriblər. səudiyyə ərəbistanının marağını türkiyəyə cəlb edən məqamlardan biri isə sürətlə inkişaf edən müdafiə sənayesi sektorudur.
