bakı, 28 fevral, arhd.media

“the economist”: avropa ittifaqı kiyevə dəstəyi ikiqat artırmalı olacaq

vaşinqton kiyevə yardımı dayandırarsa, avropa ittifaqı abş-ın yardımını kompensasiya etmək üçün ukraynaya hərbi, maliyyə və humanitar dəstəyini ikiqat artırmağa məcbur olacaq.

arhd.media xəbər verir ki, bu barədə “the economist” jurnalında dərc olunan məqalədə deyilir.

mütəxəssislərin hesablamalarına görə, avropa ittifaqı və üzv ölkələr 2022-ci ilin yanvarından bəri ukraynaya hərbi, maliyyə və humanitar yardımlara 113 milyard avro xərcləyib. abş-ın kiyevə göstərdiyi yardımı əvəzləmək üçün brüssel bu rəqəmi ümumi daxili məhsulun 0,4 faizinə çatdırmalı olacaq. hazırda avropa ittifaqının altı ölkəsi ukraynaya ümumi daxili məhsulunun 0,4 faizindən çox yardım göstərir. beləliklə, avropa ittifaqı abş-ın ukraynaya yardımını tam əvəzləyə bilər.

analitiklərin fikrincə, avropa ittifaqı müdafiə xərclərini ümumi daxili məhsulunun 4-5 faizinə çatdırsa, uzunmüddətli perspektivdə abş-ın dəstəyi olmadan da öz müdafiəsini təmin edə biləcək. hazırda avropa ölkələrinin ümumi müdafiə xərcləri 325 milyard avro təşkil edir ki, bu da ümumi daxili məhsulunun 1,8 faizinə bərabərdir.