İran Ali Rəhbərinin beynəlxalq məsələlər üzrə müşaviri Əli Əkbər Vilayəti Ermənistanın Baş naziri Nikol Paşinyana “Tramp marşrutu”nun yaradılması ilə bağlı xəbərdarlıq edib.


“ARHD.MEDiA” xəbər verir ki, onun müraciəti İranın “Ettela'at” qəzetində dərc olunub.


Vilayəti “Ermənistanın Baş naziri cənabla açıq və səmimi söhbət” başlıqlı məqaləsində Ermənistan parlamentinin Zəngəzur dəhlizindən keçəcək “Beynəlxalq Sülh və Rifah naminə Tramp Marşrutu” (TRIPP) layihəsi üzrə ABŞ ilə əməkdaşlıq sazişini ratifikasiya etməsinə münasibət bildirib. İran rəsmisi iddia edib ki, Paşinyanın addımları Ermənistan xalqının maraqlarına ziddir, ölkənin Qərbdən asılılığını artırır və Cənubi Qafqazda yeni qarşıdurma və gərginlik mərhələsinin əsasını qoyur.


Vilayəti İranın mövqeyini Ermənistan xarici işlər nazirinin müavini və ölkənin Tehrandakı səfiri ilə görüşlərində çatdırdığını bildirib:


“Tehran ABŞ-nin iştirakı ilə Zəngəzur dəhlizinin yaradılmasını qəbul etmir. Mən Ermənistan səfirinə birmənalı şəkildə bildirdim: Əgər Tramp və müttəfiqləri bizim bu qırmızı xəttimizi keçməyə çalışsalar, onların ayaqlarını qıracağıq”.

Baxış sayı: 2 936

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə