Ukrayna Prezidenti Volodimir Zelenski Rusiya lideri Vladimir Putinlə mümkün görüşünün dekabrın 14-15-də ABŞ-də keçiriləcək “Böyük İyirmiliy”in (G20) sammitində baş tuta biləcəyini bəyan edib.


“ARHD.MEDiA” Ukraynanın “NV” nəşrinə istinadən xəbər verir ki, bu barədə Ukrayna dövlət başçısı oktyabrın 17-də jurnalistlərlə həmsöhbət olarkən bildirib.


Zelenski görüşün digər neytral məkanlarda da təşkil oluna biləcəyini istisna etməyib:


“Bu görüş Yaxın Şərq ölkələrindən birində də baş tuta bilər. Amerika Birləşmiş Ştatları həmişə Birləşmiş Ərəb Əmirlikləri və ya Səudiyyə Ərəbistanının namizədliyini dilə gətirir. Bundan əlavə, görüş İyirmilik iclası çərçivəsində ABŞ-də keçirilə bilər”.


Bununla belə, Ukrayna lideri əlavə edib ki, görüşlə bağlı nə Rusiyadan, nə də ABŞ-dən hələlik rəsmi təsdiq daxil olmayıb. O, Avropa ölkələrindən birinin də platforma ola biləcəyini və avropalı tərəfdaşların artıq bu istiqamətdə təmaslara başladığını diqqətə çatdırıb.


Qeyd edək ki, ABŞ Prezidenti Donald Tramp oktyabrın 16-da dekabrda Mayamidə keçiriləcək G20 sammitində Rusiya Prezidentini görmək istədiyini bəyan edib. ABŞ dövlət katibi Marko Rubio da artıq rusiyalı liderə rəsmi dəvətin göndərildiyini təsdiqləyib.


Kremlin mətbuat katibi Dmitri Peskov isə öz növbəsində Vaşinqtona dəvətə görə minnətdarlığını bildirsə də, Putinin ABŞ-yə şəxsi səfəri ilə bağlı hələlik yekun qərarın verilmədiyini açıqlayıb.

Baxış sayı: 3 267

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə