“İran uranın zənginləşdirilməsi hüququndan imtina etməyəcək”.


“ARHD.MEDiA” xəbər verir ki, bunu İran Atom Enerjisi Təşkilatının rəhbəri Məhəmməd İslami Tehranda jurnalistlərə açıqlamasında deyib.


O, bu fəaliyyəti nüvə sənayesinin ayrılmaz hissəsi adlandıraraq, Tehranın elmi və texnoloji inkişaf yolundan geri çəkilməyəcəyini vurğulayıb: “Qətiyyən yox. Zənginləşdirmə nüvə prosesinin ayrılmaz hissəsidir. Prosesin başlanğıc nöqtəsinə sahib olmadan nüvə sənayesinə sahib olduğunuzu necə iddia edə bilərsiniz?”


İslami nüvə texnologiyasını elm və texnoloji inkişafın əsas hərəkətverici qüvvələrindən biri kimi xarakterizə edib. O, İran xalqının elmi tərəqqi hüququna malik olduğunu bildirib.


Qeyd edək ki, ABŞ-nin Vitse-prezidenti Ceyms Devid Vens bundan əvvəl İranın müharibəyə son qoymaq və Vaşinqtonun tələblərini yerinə yetirmək üçün uranın zənginləşdirilməsi fəaliyyətini əhəmiyyətli dərəcədə azaltmalı olduğunu bildirmişdi.


İranın xarici işlər naziri Abbas Əraqçi də ABŞ ilə aparılan danışıqlar zamanı ölkəsinin zənginləşdirmə fəaliyyətini azaltmağa hazır olduğunu, lakin uranın zənginləşdirilməsinin tamamilə dayandırılması tələbini qəbul etməyəcəyini demişdi.

Baxış sayı: 2 856

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə