Rusiyanın Başqırdıstan Respublikasının Sterlitamak şəhərində yerləşən "Solneçnıy" ticarət kompleksində baş verən yanğın dörd nəfərin həyatına son qoyub. Daha doqquz nəfər müxtəlif dərəcəli bədən xəsarətləri alıb. Dünyasını dəyişənlərdən üçü bacıdır.


“ARHD.MEDiA”  xəbər verir ki, bu barədə Rusiyanın Fövqəladə Hallar Nazirliyinin (FHN) mətbuat xidməti məlumat yayıb.


İlkin ehtimallara görə, hadisəyə qısaqapanma səbəb olub.


Xilasedicilər binadan 17 nəfəri, o cümlədən bir uşağı təxliyə ediblər.


"SHOT" "Telegram" kanalının məlumatına əsasən, yanğın zamanı insanlar sərbəst şəkildə təxliyə oluna bilməyiblər - onlar qışqıraraq kömək istəyiblər. Ticarət mərkəzinə yük maşını yaxınlaşıb, onun banına nərdivan qoyulub və işçilər, həmçinin ziyarətçilər bu yolla aşağı düşüblər. Bəzi şəxslər çarəsizlikdən pəncərələrdən atılıblar.


Məlum olub ki, ticarət mərkəzində yanğın təhlükəsizliyi sistemi işlək vəziyyətdə deyilmiş. "Solneçnıy"da çalışan satıcıların sözlərinə görə, yanğın ikinci mərtəbədəki geyim şöbəsində başlayıb. Onlar bildiriblər ki, düz bir saat ərzində kəskin yanıq qoxusu hiss ediblər, lakin alovun mənbəyini tapa bilməyiblər - nə yanğın siqnalizasiyası, nə də avtomatik yanğınsöndürmə sistemi işə düşüb.


Hadisə ilə bağlı araşdırmalar aparılır.

Baxış sayı: 3 256

Mətndə səhv var?

Siçan ilə problemli fraqmenti seçin və CTRL+ENTER düymələrini basın.
Görünən pəncərədə problemi təsvir edin və resurs Administrasiyasına göndərin.

Rəhbər: Beynəlxalq Hüquq Eksperti,
Hüquq üzrə Fəlsəfə doktoru
İsmayıl Zalov

Baş redaktor: Nuranə Axundova

Qaynar xətt: (+99455) 850 36 00

infoagency@arhd.az

Məzənnə