Sentyabrın 18-də Pakistanın Xeybər-Paxtunxva əyalətində cümə namazı zamanı məscidin yaxınlığında baş verən partlayış nəticəsində ən azı 21 nəfər həlak olub, 80-dən çox adam yaralanıb.

“ARHD.MEDiA” “Geo TV”yə istinadən xəbər verir ki, ölənlərdən 15 nəfəri polisdir. 

Bildirilib ki, hadisə məscidin yaxınlığında partlayıcı maddələrlə doldurulmuş avtomobilin partlaması nəticəsində baş verib. 

Partlayışdan sonra terrorçularla təhlükəsizlik qüvvələri arasında atışma başlayıb. Atışma zamanı kompleksin ərazisində ikinci partlayış baş verib.

Xatırladaq ki, daha əvvəl hadisə nəticəsində 15 nəfərin öldüyü bildirilirdi.